" ପାଦ " ( କାଦମ୍ବରୀ ମହାଖୁଡ଼ )
" ପାଦ " ( କାଦମ୍ବରୀ ମହାଖୁଡ଼ )
ପାଦର ପ୍ରଥମ ସ୍ପର୍ଶ
ମା ଗର୍ଭରେ ,
ମା' ର ଅପୂର୍ବ ଖୁସି
ସେ ପାଦ ସ୍ପର୍ଶରେ ||
ଜନ୍ମର ପ୍ରଥମ ପାଦ ଚିହ୍ନ
ବାପାଙ୍କ ଗାଲରେ
ସତେ ଅବା ଭାଗ୍ୟରେଖା
ପଢ଼ନ୍ତି ମୋ ପାଦରେ ||
ଭୂମିର ପ୍ରଥମ ସ୍ପର୍ଶ
ପାଉଁଜିର ଋଣଝୁଣରେ
ପାଦକୁ ଆଗକୁ
ବଢ଼ାଇ ନିଅନ୍ତି
ବାପା କେତେ
ହାତ ଠାରିରେ ||
କେବେ ଚୁପିଛୁପି
ଲୁଚି ଛପି
ଟାଣେ ମା'ର କାନି ,
ଆଉ କେବେ
ପାଦ ଚିପି ଲୁଚିଯାଏ
ବାପା ଆସନ୍ତି ଜାଣି ||
ମା ପାଦରେ ପାଦରଖି
ଚାଲିବା ଶିଖିଛି ,
ସରୁ ଅଳତା ପାଦେ ପାଉଁଜି
ସେ କେତେ ସଜାଇଛି ||
ସକାଳୁ ସଞ୍ଜ ଯାଏଁ
କୃତିମ ମେସିନ ପରି
ମା'ର ପାଦ
କାମ କରୁଛି ,
ହେଲେ ବୁଝି ପାରେ ନାହିଁ ..... !
ଏତେ କାମ ପରେ
ମା ର ପାଦ
ଥକେନି କେମିତି ....?????
କାନ୍ଧରେ ମୁଁ ପାଦ ରଖି
ଦୁନିଆ ଦେଖିଛି ,
ପାଦରେ ମୁଁ ଥକି ଗଲେ
ବାପା କେତେ ଆଉଁସନ୍ତି ,
ହେଲେ ବୁଝି ପାରେ ନାହିଁ ....!
ଏତେ କାମ କରି
ବାପାଙ୍କର ପାଦ
ଥକେନି କେମିତି ....?????
ପାଦ ଥକେନି କେମିତି ......!!