ନୂଆ ବର୍ଷ
ନୂଆ ବର୍ଷ
1 min
199
ବରଷ ଆସିବ ବରଷ ଫେରିବ
ପ୍ରକୃତିର ରୀତି ମାନି
କେତେ ନୂଆ ସ୍ମୃତି ନୂଆ ଅନୁଭୂତି
ଜୀବନରେ ଦେବେ ବୁଣି ।
ସମୟ ସ୍ରୋତରେ ବଦଳିବ ସଂଖ୍ୟା
ବରଷର ପରିଭାଷା
ନୂଆ ନାମ ନୂଆ ସମ୍ଭାବନା ନେଇ
ମନେ ଭରି ନୂଆ ଆଶା ।
ବିଦାୟ ବରଷ ଦେଇଯାଇଥିବା
ହସଖୁସି କ୍ଳେଶ ଯେତେ
ନୂଆ ବରଷରେ ସୁଖ ସମୃଦ୍ଧିର
ସ୍ୱପ୍ନ ଜାଗିଥାଏ କେତେ ।
ଆତସ ବାଜିରେ ନାଚ ରୋଷଣୀରେ
ଆନନ୍ଦରେ ଗୀତ ଗାଇ
ନୂଆ ବରଷକୁ ସ୍ୱାଗତ କରିବେ
ସର୍ବ ଜନ ହର୍ଷ ହୋଇ ।
କାମନା ଏତିକି ନୂଆ ବର୍ଷ ହେଉ
ସୁଖମୟ,ଶୁଭଙ୍କର
ବିପଦ ନ ଆସୁ କାହା ଜୀବନରେ
କୃପା ମିଳୁ ପ୍ରଭୁଙ୍କର ।