ନିଷ୍ଠୁର ସମୟ

ଦେବତା ହୁଅନ୍ତୁ ନର ଅବା ରାକ୍ଷସ 

ସମୟ ହସେ ସଭିଙ୍କ ପାଇଁ ନିଷ୍ଠୁର ହସ 

ରାମାୟଣ ମହାଭାରତ କେତେ କଥା ସରସ 

ନିଷ୍ଠୁର ସମୟ ଆଗରେ ମଥାନତ ଅବଶ୍ୟ 

ଜୀବନ ଟା ଚାଲେ ଉଠାଣି ଗଡ଼ାଣି ପାପ ପୀୟୂଷ 

ହେଲେ ନିଷ୍ଠୁର ସମୟ କରେ ସଭିଙ୍କୁ କ୍ରୀତଦାସ 

ଭାଗ୍ୟ ଫଳ କିଏ କହେ ଅବଶ୍ୟ 

କର୍ମ ଫଳ କିଏ କହି ଦିଏ ବି ଦୋଷ 

ସମୟ ବଡ ବଳବାନ ଜ୍ଞାନ ଲଭେ ମଣିଷ 

ବାହୁବଳ ବୁଦ୍ଧିବଳ ସବୁ ପାଏ ହ୍ରାସ 

ନିଷ୍ଠୁର ସମୟ ହସେ ଯେବେ ତା ହସ 

କିଏ ଧନୀ କେ ବା ମାନୀ ଗୁଣୀ ଜନ ସଦସ୍ୟ 

ନିଷ୍ଠୁର ସମୟ ପାଇଁ ନରରୂପୀ ନାରାୟଣ ବନବାସ 

ଦୁର୍ଯ୍ୟୋଧନ ପରି କ୍ଷତ୍ରୀ ରକ୍ତ ନଦୀ ସନ୍ତରଣ ନାଗଫାଶ 

ଭୀଷ୍ମ ଦ୍ରୋଣ କର୍ଣ୍ଣ ଅର୍ଜ୍ଜୁନ କାହାକୁ ଛାଡ଼ିଛି ତ୍ରାସ 

କଳି ଯୁଗେ ମହାମାରୀ ବନ୍ୟା ବାତ୍ୟା ସଂତ୍ରାସ 

ନୁହେଁ କି ନିଷ୍ଠୁର ସମୟର କଦର୍ଯ୍ୟ ହସ 

ବେଳ ଥାଉ ଥାଉ ପ୍ରଭୁଙ୍କ ଶରଣ ନେବା ଅବଶ୍ୟ 

ବଳବାନ ନିଷ୍ଠୁର ସମୟ ହୁଏତ ଆସିବ ନାହିଁ ପାସ 

ଦୟା ଧର୍ମ ଆନ୍ତରିକତା ସ୍ୱାର୍ଥ ତ୍ୟାଗ କରି କରିବା ବଶ 

ନିଷ୍ଠୁର ସମୟ ଆସୁ ଡରିବାନି ଏକତା ମନ୍ତ୍ରରେ ନେଇ ନିଃଶ୍ୱାସ l