ନିର୍ବାଚନ ଜିତେ ସେହି

ଜିତିଥାଏ ସେହି,   ନିର୍ବାଚନ ରଣେ,

    ସାଧୁର ବେଭାର ଜାର ।

ଶାନ୍ତି ଧର୍ମ ପଥେ,  ହୁଏ ବିଦ୍ୟମାନ,

    ହୃଦୟ ପବିତ୍ର ତାର ।।

ଜିତିଥାଏ ସିଏ,   ନିର୍ବାଚନ ରଣେ,

    ମଧୁର ବଚନ ଜାର ।

ଭକ୍ତି ରଖିଥାଏ,   ସ୍ନେହ ରଖିଥାଏ,

    ହୃଦୟରେ ନିରନ୍ତର ।।

ଶାନ୍ତ ସିଷ୍ଟ ଜନ,   ସଭିଙ୍କ ଆଦର,

    କରଇ ଶାନ୍ତି ଶାସନ ।

ଥୁଆ ରହିଥାଏ,  ସେଇ ଲୋକପାଇଁ,

    ସର୍ବଦା ରାଜ୍ୟ ଆସନ ।।

ଧନୀ ମାନି ହୋଇ, ପଇସା ବୁଣିଲେ,

    ହେବ ନାହିଁ ପ୍ରିୟ ନେତା ।

ଗର୍ବ ହିଂସା ଦ୍ଵେଷ,  ଧରିଣ ବକ୍ଷରେ,

    ପାଞ୍ଚ ବର୍ଷ ଜାଳେ ଚିତା ।।

ମଧୁର ଭାଷଣ,  ମିଥ୍ୟା ପ୍ରଲୋଭନ,

    କ୍ଷଣ ସ୍ଥାୟୀ ରାଜନୀତି ।

ମିଳେନା ଆଦର,  ସମାଜରେ ତାକୁ,

   ଚିର ସ୍ଥାୟୀ ନୁଁହ ଜ୍ୟୋତି ।।

ଏମିତି ଦୁନିଆ,   କେହି ନୁଁହ କାର,

    ସଭିଏଁ ଖଳୁଆ ସାଜି ।

ମିଛ ମାୟା ସାଥି,  କରିଥାନ୍ତି ସର୍ବେ,

    ଜିତିବାକୁ ରଣ ବାଜି ।।

ମାୟା ବେଶ ଛାଡି,  ଧରି ସାଧୁ ପଥ,

    ସତ କର୍ମେ ଥିଲେ ନେତା ।

ନିଶ୍ଚୟ ଜିତିବେ,   ନାଗରିକ ମନ,

   କର୍ମ କରି ଟେକ ମଥା ।।

^^^^^^^^^^^^^^^^^^^^^^^^^^

ଲେଖକ ( ମହେଶ୍ୱର ସାହୁ )

ଗୋପୀବିନ୍ଧା, ବ୍ରହ୍ମଣଗାଁ,

ବାଲେଶ୍ୱର ( ଭଦ୍ରକ )