ନୀଳରକ୍ତର ଧମକ

ଚେତି ଯା'ରେ ମଣିଷ ଭାଇ

କେତେ ଆଉ କରିବୁ ନଷ୍ଟ

ଆମ ବଉଁଶ ବୁଡିଲେ

ତୁଚ୍ଛାରେ ପାଇବୁ କଷ୍ଟ ।

ସାରା ରାଇଜେ ଖୋଜିଲେ ପାଇବୁ

ଆମ ରକ୍ତ ଏକା ନୀଳ

ଅଜ୍ଞାନ ହେଲୁକି ତୁହି

ଜାଣି ନାହୁଁ ସେ ରକ୍ତର ବଳ ।

ବିଜ୍ଞାନ କହୁଛି ସେ ରକ୍ତେ ଅଛି

ରୋଗ ନାଶର ଶକ୍ତି

କାହୁଁ କେତେ ଅସାଧ୍ୟ ରୋଗରୁ

ସହଜେ ମିଳଇ ମୁକ୍ତି ।

ଚାରିଶହ ଅଶୀ କୋଟି ବରଷ ଧରି 

ବଞ୍ଚି ରହିଛି ଆମ ଜାତି

ପ୍ରାକୃତିକ ବିପର୍ଯ୍ୟୟ,ଜଳବାୟୁ ପରିବର୍ତ୍ତନ

ସହିଛୁ କେତେ ବିପତ୍ତି ।

ମଣିଷ ପରି କରୁନା ଆମେ 

ଘୃଣ୍ୟ ପରକ୍ରିୟା ପ୍ରୀତି

ବିପଦେ କେବେ ହାତ ନ ଛାଡୁ 

ଆମେ କଙ୍କଡା ଦମ୍ପତି ।

କାହାକୁ ନେଇ ଗରବ କରିବୁ

ଆମେ ହୋଇଲେ ବିଲୋପ

ଚିଲ, ଶାଗୁଣା, ଡାଇନୋସର ପରି

ପଢୁଥିବୁ ଆମ ଗପ ।

ଆମ ଚେତାବନୀ ଶୁଣ ହେ

ଜଗତ ଜନ

ବେଳ ଥାଉ ଥାଉ ନ ସୁଧୁରିଲେ 

ହେବୁଟି ତୁ ହଇରାଣ ।