ନଈ

ଟିକି ନଈ ଯାଏ ବହି ସାଗରେ ମିଶିବା ପାଇଁ ,

ଝରି ଝରି ବହିଯାଏ କୂଳକିନାରାକୁ ଛୁଇଁ |୧|               

କାଚକେନ୍ଦୁ ଜଳଧାରେ ସୂରୁଯ ମୁଖ ପଖାଳେ ,

ପଲ୍ଲୀର କୁଳନନ୍ଦିନୀ ସଖୀଙ୍କ ମେଳେ |୨|           

ଉପଳ ଖଣ୍ଡ ସଂଘାତେ ଜଳଧାର ମଥା ପାତେ,

ତଥାପି ନଯାଏ ରହି ଝରିଯିବା ଧାର ପଥେ |୩|             

ପର ସେବା ପାଇଁ ନଈ ଜୀବନକୁ ଢାଳି ଦେଇ, 

ଯେତେ ଆସୁ ମଳି ଧୂଳି ସବୁ ନେଇଯାଏ ଧୋଇ |୪|    

କୂଳବାସୀଙ୍କର ସ୍ନାନ ମେଲି ଦିଏ ଘାଟମାନ ,

କୂଳେ ଧରି ନାନା ଜୀବ ବୋଲୁଥାଏ ଗୀତଗାନ |୫|        

ଜନନୀ ସେନେହ ଦେଇ ଅମୃତ ଜଳ ପିଆଇ ,

ତୃଷା କରେ ନିବାରଣ ଧନ୍ୟ ଜୀବନ ବୋଲାଇ |୬|   

ଧୀବର ନାବ ଚଳାଏ ପଥିକ ପାରି କରାଏ,

ଜଳେ ନାବ ଚାଲି ଚାଲି ନଈଧାରେ ଧାଉଁଥାଏ |୭|         

ବକ୍ଷେ ଧରି ନାନା ଜୀବ ମତ୍ସ୍ୟ କଇଁଛ ମଗର,

ରସରଙ୍ଗେ ମାତୁଥାଏ ଜଳର ଧାର |୮|            

ମାତା ଗଂଗାଙ୍କ ଆଶିଷ ନିର୍ମଳ ଜଳ ପ୍ରବେଶ,

ପ୍ରାଣୀଙ୍କର ହିତ ଅର୍ଥେ ଯୋଡ଼େ ସାହସ |୯|          

ସ୍ନେହମୟୀ ମାତା ନଈ ତୋର ପଦ ସେବା ପାଇଁ , 

ଧନ୍ୟ ବୋଲାଇବି ପ୍ରଭୁ ଆହେ ଜଗତର ସାଇଁ |୧୦|