ନିଦରେ ଯାଅନା ଶୋଇ

ତମେ ଆସନ୍ତନି ଥରେ 

ମୋ ସହରରେ ଅବା ରାଇଜରେ

ଅବା ମୋ ଦେଶକୁ ଥରେ

ଅବା ତମ ପୃଥିବୀରେ 

ତୁମ ହାତେ ଶଙ୍ଖଚକ୍ର ଗଦା ପଦ୍ମ 

ସୁସଜ୍ଜିତ ଅସ୍ତ୍ର ସବୁରେ 

କୁହନାହିଁ ନା କହିଦିଅ ହଁ 

ଆସିଛ ଯେମିତି ସବୁ ଯୁଗରେ 

ମୁଁ ଅବା କିଏ ଡାକିବି ତମକୁ 

ତମ ହାତ ଗଢ଼ା ଏଇ ଘରେ 

ନିଆଁ ଲାଗିଯାଇଛିକି 

ତମ ନରମ ହୃଦୟ ଧାରେ 

କିଏ ସେହି ଦାୟୀ 

ମୀରା ରାଧା ଅବା ଲକ୍ଷ୍ମୀମାଇ 

କହିଦିଅ ଏଇ ମାଲ୍ୟାଣୀରେ 

ପାଦେ ମୋ ନୁପୁର, ହାତେ ମୋ କଙ୍କଣ 

ବାଜୁନାହିଁ ସ୍ୱର ତାଳ ଲୟରେ 

ଦେବଦାସୀ ମୁହିଁ ମାନବୀଟିଏ ପା'

ତମରି ଏହି ସୃଷ୍ଟିରେ,କହିଦେଉଛି ମୁଁ 

ତମ ନିଦ ପାଇଁ,ସଂସାର ଭାସିଲେ 

ପିନ୍ଧିବିନି ଘୁଙ୍ଗୁର, ମୁଁ ଆଉ ଥରେ 

ସ୍ୱପ୍ନେ ଆସିବା ମୋ ଦରକାର ନାହିଁ 

ଆସ ସ୍ୱଶରୀରେ ଏ ମର୍ତ୍ୟରେ 

ଦୋଷ ମତେ ଆଜି ସମେସ୍ତେ ଦିଅନ୍ତି 

ମୁଁ କାଳେ ଦାୟୀ, ତମ ନିଦ ପାଇଁ 

ଆଖି ଖୋଲି ଏଵେ ଚାହଁ ଥରେ ସଧିରେ ।