ନିଦ୍ରାଲୋକ ର ନିଦ୍ରାଦେବୀ

ନିଖିଳ ନିଦ୍ରାଲୋକ ର ନିଦ୍ରାଦେବୀ !

ବହୁଶୀଘ୍ର ଆସନ୍ତୁଲୋ ନିଦ୍ରାଦେବୀ !

ବିନମ୍ର ସ୍ୱରରେ ଡାକୁଛିଲୋ ନିଦ୍ରାରଣୀ,

ତୁମେତ ହେଲ ନିଦ୍ରା ପ୍ରପଞ୍ଚର ମହାରାଣୀ !

ଚଗଲା ପିଲାଙ୍କୁ ନିଦ୍ରାଭିଭୂତ ଶୁଆଇ ଦିଅନ୍ତୁ,

ଚଞ୍ଚଳ ପିଲାଙ୍କ ଅନିଦ୍ରା ଆଖିରେ ବସିଯାଆନ୍ତୁ,

ପିଲାଙ୍କୁ ମିଠା ମିଠା ସପନ ଦେଖେଇ ଦିଅନ୍ତୁ,

ତାଙ୍କୁ ସୁରମ୍ୟ ସ୍ୱପ୍ନଲୋକର ଭ୍ରମଣ କରାନ୍ତୁ ।

ତୁମେ ସ୍ୱୟଂ ମାୟାଲୋକର ମାୟାବୀ ମହାରାଣୀ,

ନାନାବାୟା ଗୀତ ଆଳାପ କରେ ତୁମ ମଧୁରବାଣୀ,

ପରିଶ୍ରାନ୍ତ ପରିଶ୍ରମୀଙ୍କ ପାଇଁ ବିଶ୍ରାମର ରାଜରାଣୀ,

ତୁମେ ସମସ୍ତ ଜନଙ୍କ ଶୟନୀୟ ଶୟନର ରାଜରାଣୀ ।

ନିଖିଳ ନିଦ୍ରାଲୋକ ର ନିଦ୍ରାଦେବୀ !

ବହୁଶୀଘ୍ର ଆସନ୍ତୁଲୋ ନିଦ୍ରାଦେବୀ !

ବିନମ୍ର ସ୍ୱରରେ ଡାକୁଛିଲୋ ନିଦ୍ରାରଣୀ,

ତୁମେତ ହେଲ ନିଦ୍ରା ପ୍ରପଞ୍ଚର ମହାରାଣୀ !