ମୁଁ କିଛି ତୁମକୁ ଲୁଚାଇବିନି
ମୁଁ କିଛି ତୁମକୁ ଲୁଚାଇବିନି
ମୁଁ କିଛି ଲୁଚାଇବିନି ତୁମକୁ
ମୁଁ କିଛି ଲୁଚାଇବିନି ତୁମକୁ ।
ମୋର ପ୍ରେମରେ ମଧୁର ଯନ୍ତ୍ରଣା,
ଅସୀମିତ ପ୍ରତୀକ୍ଷା,
ସ୍ମୃତିର ଶୂନ୍ୟତା ସବୁକିଛି
ବାଣ୍ଟିବି ତୁମ ସହ ।
ତଥାପି ପ୍ରେମରେ
ସବୁ କିଛି ସରିଲା ପରେ
ବି ଯଦି କିଛି ବାକି ରହିଯାଏ
ତାକୁ କହି ହାଲୁକା
ହୋଇଯିବି ତୁମ ଆଗରେ।
ମୋ ମନକୁ ବୁଝା ବେଳା ,
ମୋ ନିଃସଙ୍ଗ,
ଏକାକୀ ସମୟର କଥା ସବୁକିଛି ତ
କହିବି ଯେତେ ସମୟ ଲାଗୁ ପଛେ ।
ସେତେ ସବୁ ନୀରବତା,
ଲୋଡ଼ା ଅଲୋଡ଼ା,
ମନଛୁଆଁ ପ୍ରେମବାର୍ତ୍ତା,
ସୁଖ ଦୁଃଖ,
ମୁଁ ତମକୁ ନପଚାରି କରିଥିବା
ଅନେକ ଅଭିମାନ ଭରା କାମ,
ମୋ ପାପ, ପୁଣ୍ୟ ସବୁକିଛି
କହି ସାରିଲା ପରେ ନିଜକୁ
ଏକାନ୍ତ ଭାବେ ଅନନ୍ତ କରିଦେବି ।
ପ୍ରେମର ଗଭୀରତାରେ ନିର୍ବାଣ
ଅଭିମୁଖେ ଯାତ୍ରା କରିବି ।