"ମସ୍ତିଷ୍କ ର ସୁସ୍ଥତା"

ପୂଣ୍ୟଟାକୁ ପରା କିଣିବା ପାଇଁ କି

ଦଉଲତ ଲୋଡ଼ା ନାହିଁ,

ତାହାର ଠିକଣା ମିଳିବ ତୁମକୁ

ମଣିଷ ପଣିଆ ଠେଇ।

ପାପ ପୁଣ୍ୟ ଦୁହେଁ ଦୁଇ ପ୍ରତିଦ୍ୱନ୍ଦୀ

ମନ ଓ ମସ୍ତିଷ୍କ ପାଇଁ,

ଏକର ଉପାଦେୟତା ର୍ରକ୍ଷା ପାଇଁ

ଆନ ହୋଇଥାଏ ଦାୟୀ।

ଏକ ଖୁସି ଦିଏ ଆନ ଖୁସି ନିଏ

କାହାର ପାଉଣା ବେଶୀ,

ମନ ମସ୍ତିଷ୍କର ଉର୍ବରତା ପାଇଁ

ଆବଶ୍ୟକ ହୁଏ ଖୁସି।

ଅନନ୍ୟ ଅଟଇ ମସ୍ତିଷ୍କ ର ଶକ୍ତି

ସାରା ଶରୀର ରକ୍ଷକ,

ସେ ଅସୁସ୍ଥ ହେଲେ ଦୋହଲାଇ ଦେବ

ମଣିଷ ବୁଦ୍ଧି ବିବେକ।

ପରିବାର ସୁସ୍ଥ ପରିବେଶ ସ୍ୱଚ୍ଛ

ଲୋଡା ସମାଜ ପାଇଁ କି,

ସୁଦୂର ପ୍ରସାରୀ ଶ୍ରେଷ୍ଠ ମହତର

ଶ୍ରେୟ ମିଳିବା ପାଇଁ କି।