ମଶାଣି ଜୁଇ

ହୁତ ହୁତ ଜଳୁଥିବା ଚୁଲି

ମଶାଣିରେ ଜଳୁଥିବା ଜୁଇ

ମନରେ ଉଠୁଥିବା ନିଆଁ

ଅବା ପେଟ ଭୋକର ଜ୍ବାଳା ।

ସେଥିରେ କୋଣ ବାଛବିଚାର

ଦହନ ହିଁ କେବଳ ସାର

ଅବଶେଷରେ ମିଳେ

ମୁଠାଏ ଅବାଞ୍ଛିତ ପାଉଁଶ ।

ସବୁ ସମୟ ଚକ୍ରର ଖେଳ

ଅପ୍ରାପ୍ତି ମୋହରେ ଜର୍ଜରିତ

ଅବିଶ୍ଵାସର ଜତୁ ଘର

ହସ୍ତ ପ୍ରସାରି ବସିଥାଏ ।

ଆଲଙ୍ଗି ନେବାକୁ ଅହରହ

କାମନା , ବାସନାର ନିଆଁ

ସେଥିପାଇଁ ଦେବାକୁ ପଡିଥାଏ

କେତେ ଯେ ଅଗ୍ନି ପରୀକ୍ଷା ।

କ୍ଷଣ ଭଙ୍ଗୁର ସଂସାରରେ

ସବୁ ମୋହ ମାୟାର ଖେଳ

କେହି ଭେଦି ପାରିନାହିଁ

ଜନ୍ମ ମୃତ୍ୟୁର ଗୂଢ ରହସ୍ୟ ।

ମହାକାଳର ଲେଲିହାନ ନିଆଁ

ଶେଷରେ ଜାଳିଦିଏ ସବୁକିଛି

ରହିଯାଏ କେବଳ ମଶାଣିର ଜୁଇ

"ରାମ ନାମ ସତ୍ୟ ହେ" ଧ୍ବନି

ସସ୍ମିତା ରାଉତ,ମୋ -୭୮୯୪୭୨୨୬୪୩

ସୋର, ବାଲେଶ୍ଵର