ମୃତ୍ୟୁ
ମୃତ୍ୟୁ
ମୃତ୍ୟୁ ନୁହେଁ ଆଶୀର୍ବାଦ ଅବା ଅଭିଶାପ,
ପ୍ରକୃତିର ଏହା ଏକ ସତ୍ୟର ବିଳାପ।
ମୃତ୍ୟୁ ଏବେ ସତ୍ୟ ହୋଇ ମିଥ୍ୟା ଆଢୁଆଳେ,
ଅତିମାନସ ଶକ୍ତି ଆସିଛି ଏ ମହୀମଣ୍ଡଳେ।
ମୃତ୍ୟୁ ଉପରେ ବିଜୟ ସମ୍ଭବ ତ ଏହା,
ସାବିତ୍ରୀ ଯାହା କରିଛନ୍ତି ଜାଣିଛି ଦୁନିଆ।
ଅତିମାନସରେ ହେବ ସବୁ ରୂପାନ୍ତର,
ଅନ୍ୟ ଯୋଗ ଏ ଯୋଗରେ ଏତିକି ଅନ୍ତର।
ସମୟ ଆସିଛି ଏବେ ଧଇର୍ଯ୍ୟ ତୁମେ ରଖ,
ପୂର୍ଣ୍ଣ ଶକ୍ତି କ୍ଷମ ପାଇଁ ଦେହ ଛାଡିବେ ଅନେକ।
ଜରା,ରୋଗ, ମୃତ୍ୟୁ ସବୁ ଲୀଳା ପ୍ରକୃତିର,
ତାର ଅନୁରୂପ ନିଜକୁ ଗଢି ତୁମେ ତୋଳ।
ଶ୍ରୀଅରବିନ୍ଦଙ୍କ ସାଧନା ନ ହେବ ବିଫଳ,
ପୂର୍ଣ୍ଣ ଯୋଗରେ ହେବ ଏ କାର୍ଯ୍ୟ ସଫଳ।
ସାଧନାରୁ କେବେ ତୁମେ ହୁଅନି ବିରତ,
ମନ,ଆତ୍ମା, ଦେହ ରୂପାନ୍ତର ଦେଖିବ ଜଗତ।
ମୃତ୍ୟୁ ଆଉ ଆସିବନି ମହାବଳ ହୋଇ,
ସାଧନାରେ ବ୍ରତୀ ଥିଲେ ଦେବନି ଡରାଇ।