ମୋ ପିଲାଦିନ

ଫେରିଆ ମୋ ପିଲାଦିନ

ଫେରିଆ ମୋ ସାଙ୍ଗ ସାଥି

ସ୍କୁଲ ଆଉ ଧୂଳି ଖେଳ

ମନେ ପଡେ ନିନିତିନିତି ।

ମନେ ପଡେ ଜାନିଜାତ

ମନ୍ଦିରର ନାଲି ନେତ

ଉଡୁଥାଏ ଫର ଫର

ଦିଶୁଥାଏ କି ସୁନ୍ଦର ।

ଭିନ୍ନ ଭିନ୍ନ ପିଠା ପଣା

ପେଟ ମୋ ନ ଥିଲା ଉଣା

ମାଆ ର ପଣତ

ସତେକି ଶ୍ରୀ ମନ୍ଦିର ନେତ ।

ମନେ ପଡେ ବର ଓହଳ

ଦୋଳିଖେଳ  ଆମ୍ବ ତୋଟା

ମାଛ ଧରା  ନଦୀ ପଂହରା

ସାରୁ ପତରେ କଙ୍କି ଧରା ଖେଳ ।

ମନେ ପଡେ ମିଛ ମିଛିକା ବାହାଘର

ଗୁରୁଜୀ ଙ୍କ ଛାଟ ପ୍ରହାର

ଧୂଳିମାଟି ସଢ଼େଇର   ଡାଲି ଭାତ ଖେଳ 

ନାହିଁ ସେହି ଜାମୁ କୋଳି

ନାହିଁ ସେ ଦାଣ୍ଡ ଧୂଳି

ନାହିଁ ସେ ଡିମ୍ବିର ଫଳ

ନଡ଼ିଆ ପିଞ୍ଚର ରଥ ଟଣା ଖେଳ ।

ବେଳ ଗଡ଼ିଲାଣି  ସୂର୍ଯ୍ୟ ନଇଁଲେଣି

ଜୀଵନ ଦୀପରୁ  ଅର୍ଘ୍ୟ ସାରିଲାଣି

ହାତ ଠାରିଲାଣି  ମୋ ଗାଁ ମଶାଣି

ମନେ ପଡେ ଆଜି ପିଲାଦିନ କଥା

ମନେପଡେ ସେହି ସାଙ୍ଗ ସାଥି ଗାଥା ।