ମୋ ଓଡ଼ିଶା (ଭାଗ-୦୩)
ମୋ ଓଡ଼ିଶା (ଭାଗ-୦୩)
ପାହାଡ ପର୍ବତ କେତେ ବଣ ଝରଣା
ସବୁଜିମା ଭରା ବଣ ଫୁଲ ଅଗଣା ।
ନଦ ନଦୀ ହ୍ରଦରାଜି ଜଳପ୍ରପାତ
ମନ ମୋହି ନିଏ ତାଙ୍କ ମଧୁର ଗୀତ ।
ପୂଣ୍ୟତୋୟା ମହାନଦୀ ତେଲ ବିରୁପା
ଇନ୍ଦ୍ରାବତୀ ଋଷିକୂଲ୍ୟା ଦେବୀ ସ୍ୱରୂପା ।
ରୂପସୀ ଅ°ଶୁପା ରୂପବତୀ ଚିଲିକା
ହ୍ରଦ ସିଏ କବିଙ୍କର କାବ୍ୟ ନାୟିକା ।
ସାଗରର ବେଳା ଭୂଇଁ ଢେଉର ହାର
ଧୋଇଦିଏ ନିତି ମାଆ ପାଦ ପୟର ।
ଜନଜାତି ଆଦିବାସୀ ଭାଇ ଭଉଣୀ
ବଖାଣନ୍ତି ପ୍ରକୃତିର କଥା କାହାଣୀ ।
ତାଙ୍କ ନାଚ ତାଙ୍କ ଗୀତ ପ୍ରକୃତି ପୂଜା
ଆଲୁଅକୁ ଅନ୍ଧାର କରେ ଦିଗହଜା ।
ପ୍ରକୃତିର ଉପାସକ ସେମାନେ ଯେଉଁଠି
ରୁହନ୍ତି ସଭ୍ୟତାତ ଆରମ୍ଭ ସେଇଠି ।
ମାଟି ପାଣି ଅଗ୍ନି ବାୟୁ ନୀଳ ଆକାଶ
ତାଙ୍କ ଠାରୁ ବିଜ୍ଞାନ ଜ୍ଞାନର ବିକାଶ ।
ତାଙ୍କ ପାଇଁ ମୋ ମାଆର କେତେ ନୂଆ ଆଶା
ଓଡିଶା ଓଡିଶା ମାଆ ମୋର ଓଡିଶା....