ମୋ ମାଆ ପରି କିଏ ହେବ

ମାଆର ମମତା ତା ପଣତ କାନୀ,

ରୋଗେ ଶୋକେ ସାହା ହେବ:

   ମୋ ମାଆ ପରି କିଏ ହେବ::

ରାତି ନ ପାହୁଣୁ ଘର ଠୁଁ ବାହାର,

ଗୋବର ପାଣିରେ ଧୋଉ ଥିବ:

   ମୋ ମାଆ ପରି କିଏ ହେବ::

ରାତିର ଅଇଁଠା ବାସନ ଗୁଡ଼ାକୁ,

ସଖାଳେ ସେ ଉଠି ଧୋଉ ଥିବ:

    ମୋ ମାଆ ପରି କିଏ ହେବ::

ସମାୟାନୁ କ୍ରମେ ଦିନ ଯାକ କାମ,

ସଫା ସୁତୁରା ରେ କରୁ ଥିବ:

    ମୋ ମାଆ ପରି କିଏ ହେବ::

ସମୟତାଳରେ ନାନାବ୍ୟଞ୍ଜନ ସେ,

ମନଜାଣି ସଦା ସେପରଷୁଥିବ:

    ମୋ ମାଆ ପରି କିଏ ହେବ::

ରାଗେନାହିଁ ଜମାଯେତେ ଦୁଷ୍ଟହେଲେ,

ବୁଝାଇ ସୁଝାଇ କହୁ ଥିବ:

    ମୋ ମାଆ ପରି କିଏ ହେବ::

ଆସୁଯେତେ ଦୁଃଖ ଅବା ଝଡ ଝଞ୍ଜା,

ମଥା ପାତି ଯେ ସେ ସହିଯିବ:

    ମୋ ମାଆ ପରି କିଏ ହେବ::

ଫେରିବା ବିଳମ୍ବ ହୋଇ ଯାଇଥିଲେ,

ଦାଣ୍ଡ ଦୁଆରରୁ ସେ ଅନାଉଥିବ:

    ମୋ ମାଆ ପରି କିଏ ହେବ::

ନିଜେ ରଖିଦିଏ ନିଜକୁ ଉପବାସ,

ଆମ ପେଟକୁ ସେ ଅନାଇ ଥିବ:

     ମୋ ମାଆ ପରି କିଏ ହେବ::

ବାତ୍ସଲ୍ୟମୟୀ ସେ ସ୍ୱର୍ଗଠାରୁ ବଡ଼,

ତାର ଋଣକୁ କେ ସୁଝି ପାରିବ:

     ମୋ ମାଆ ପରି କିଏ ହେବ::

ନିଜର ସୁଖକୁ ଦେଖେ ନାହିଁ ଜମା,

ଆମ ସୁଖେ ସୁଖୀ ହେଉ ଥିବ:

     ମୋ ମାଆ ପରି କିଏ ହେବ::

ଯାହା ଚାଂହୁଥିଲେ ଚେଷ୍ଟା ଦେବାପାଇଁ,

ବାପାଙ୍କ ସଂଗେ ସଦା ଲଢ଼ୁଥିବ:

     ମୋ ମାଆ ପରି କିଏ ହେବ::

ସୁଝି ହୁଏ ନାହିଁ ମାଆ ଋଣ କେବେ,

ଆମର ଜୀବନ ମହିରେ ଥିବ:

     ମୋ ମାଆ ପରି କିଏ ହେବ::

ଭୁଲ ନାହିଁ କେବେ ମାଆର ମମତା,

କେତେ ଆଶା ନେଇ ସେ ବଞ୍ଚିଥିବ:

    ମୋ ମାଆ ପରି କିଏ ହେବ::

ରୋଜଗାର କରି ଘରଣୀ ଆସିଲେ,

ଭାବନି ସେ ବୋଝ ହୋଇଯିବ,

    ମୋ ମାଆ ପରି କିଏ ହେବ::

*****************************

ମହେଶ୍ୱର ସାହୁ

ଗୋପୀବିନ୍ଧା, ବ୍ରହ୍ମଣ ଗାଁ,

ବାଲେଶ୍ଵର(ଭଦ୍ରକ)