ମୋ ଜୀବନ ତରୀ ଦଦରା ଖତରା

 ମୋ ଜୀବନ ତରୀ ଦଦରା ଖତରା

             ଆୟୁ ହୁଏ ଅପଚୟ

 କେମିତି ଚାଲିବ ଭବ ପାରାବାରେ , ପ୍ରାଣବାୟୁ ନୁହେ ଥୟ

 ତୁମରି ଭରସା ତୁମେ ଏକା ଆଶା

             ନିବାରିବ କାଳ ଭୟ

 ମୋ ଜୀବନ ତରୀ ଦଦରା ଖତରା…  ।।

 

 ମଣିଷ ଜନମ ଦୁଃର୍ଲଭ ଜୀବନ

            ଦେବେ ଅଲଭ୍ୟ ଏ ଦେହ

 ବିଜେନିଜେ ଭଗବାନ ଏ ଶରୀରେ , ତେଜି ନ ପାରନ୍ତି ମୋହ

 ପ୍ରକୃତିର ଏଇ କର୍ମମୟ ଭୂମେ

            ଲୀଳା ରଚେ ଲୀଳାମୟ

 ମୋ ଜୀବନ ତରୀ ଦଦରା ଖତରା…  ।।

 

 କ୍ଷଣପ୍ରଭା ସମ କ୍ଷଣିକ ଜୀବନ

              କ୍ଷଣ କ୍ଷଣ ହୁଏ କ୍ଷୟ

 କ୍ଷିତୀରେ କିରତୀ ପସରା ଫେଇବ ,

କରିଲେ ପାପ କୁ ଭୟ

 ଦୁଃଖୀ,ଦୁଃଖେବ୍ରତି ପରୋପକାରରେ

       ଧରମର ହୁଏ ଜୟ

 ମୋ ଜୀବନ ତରୀ ଦଦରା ଖତରା… ।।

 

 ଅମର୍ତ୍ତ୍ୟ ମଣ୍ଡଳୁ କ୍ଷରିତ ହୁଅଇ

       ଅମୃତ ଆଶିଷ ଧାରା

 ଲଭିଲବା ପାଇଁକି ସେହି ଆଶିର୍ବାଦ , ସାଧନା ନିହାତି ଲୋଡ଼ା

 ସାହସ ଦିଅହେ ବାଞ୍ଛାକଳ୍ପତରୁ

               କରିଛି ତୋରେ ଆଶ୍ରୟ

 ମୋ ଜୀବନ ତରୀ ଦଦରା ଖତରା…  ।।

 

 ଦଦରା ଖତରା ଏ ଜୀବନ ତରୀ   ଛନ୍ଦା ଚରଣରେ ବାନ୍ଧିଲି

 ପ୍ରଫୁଲ୍ଲ କୁସୁମ ଅଞ୍ଜଳୀ ସମର୍ପି   ତୋରେ ଶରଣ ପଶିଲି

 ହେ ବଂଶୀ ବଦନ କଂସନିସୁଦନ  ତୋ, ନାମେ ଜୀବଯାଉ

 ମୋ ଜୀବନ ତରୀ ଦଦରା ଖତରା…  ।।