ମିଛୁଆ ସପନ

ମିଛୁଆ ସପନ      ଆସ କାହିଁ ପାଇଁ,

       ରାତିର ଅନ୍ଧାର ଚିରି:

ମନେ ଭରି ଦିଅ    ନାନା ଆଶା ଦୀପ,

      ମନରେ କୋହକୁ ଭରି l

ଦେଇଥିଲ କିଛି      ଦେଉଅଛ କିଛି,

      ସ୍ମୃତି ଭରା ପରଶରେ:

ଗାଇଥିଲି ଗୀତ      ହୃଦୟ ସ୍ପନ୍ଦନେ,

       ଶୂନ୍ୟ ହୃଦ ମନ୍ଦିରରେ l

କାଲି ଆସିଥିଲ       ଆଜିବି ଆସିବ,

       ଜାଣିଛି ମୁଁ ଆସୁଥିବ

ମିଛ ବେଦନାର     ଅଜାଗା ଘାଆର,

       ମରହମ କିଏ ଦେବ l

କେତେ ଶାନ୍ତ ତୁମେ    ଛଳନାରେ ଭରା,

      ପରଶରେ ତୁମ ଲାଗେ:

କେଉଁ ରାଇଜରୁ      ଆସୁଅଛ ତୁମେ,

      ମନ ଲକ୍ଷହିନ ଭାଗେ l

ଆସୁ ଅଛ ତୁମେ     ଆସୁଥାଅ ତୁମେ,

      ମଧୁର ନିଦ୍ରାରେ ରୁହ

ରହି ଥାଅ ତୁମେ     ପ୍ରାଣୀ ଜଗତରେ,

      ସ୍ମୃତି ହୋଇ ପ୍ରିତି ହୁଅ l

ମହେଶ୍ୱର ସାହୁ

ଗୋପୀବିନ୍ଧା, ବ୍ରାହ୍ମଣ ଗାଁ,

ବାଲେଶ୍ୱର(ଭଦ୍ରକ)