ମହେନ୍ଦ୍ରଗିରି
ମହେନ୍ଦ୍ରଗିରି
ଭାରତରେ ଯେତେ ପରବତ ଦିଶେ
ଆଉ କେଉଁ ଦେଶେ ନାହିଁ,
ହିମାଳୟ ଗିରି ମଉନେ ବସିଛି
ଭାରତର କୀର୍ତ୍ତି ଗାଇ |
ପୂର୍ବଘାଟ ଗିରି ଶୋଭା ବଢ଼ାଉଛି
ଭାରତର ଯେଉଁ ଅଂଶେ,
ଓଡିଶାକୁ ସିଏ ଲମ୍ବି ଯେ ଆସିଛି
ଛୁଏଁ ପରା ନୀଳାକାଶେ |
ମହେନ୍ଦ୍ର ଗିରି ଯେ ଭୂଗୋଳରେ ଲେଖା
ଦ୍ଵିତୀୟ ଉଚ୍ଚତା ବହି,
ପ୍ରଥମେ ଶୋହୁଛି ଦେଓମାଳୀ ଗିରି
କୋରାପୁଟ ମଧ୍ୟେ ରହି |
ମହେନ୍ଦ୍ର ଗିରିର ଉଚ୍ଚତା ଅଟଇ
ସମୁଦ୍ର ପତନ ଠାରୁ,
ଅଣଚାଶ ଶହ ସତାନବେ ଫୁଟ
ମେଘ ଆଣେ ଆକାଶରୁ |
ମହାନଦୀ ଠାରୁ ଗୋଦାବରୀ ଯାଏ
ମହେନ୍ଦ୍ର ଅଞ୍ଚଳ ଶୋହେ,
ଗଜପତି ଜିଲ୍ଲା ପାରଳାଖେମୁଣ୍ଡି
ମାଟିର ସେ ଯଶ ଗାଏ |
ମହେନ୍ଦ୍ର ଗିରି ଯେ ପର୍ବତେ ପବିତ୍ର
ରାମାୟଣେ ଲେଖାଅଛି,
ବିଷ୍ଣୁ ଅବତାର ନେଇ ପର୍ଶୁରାମ
ତପ କରୁଥିଲେ ସେଠି |
ସେହି ତପ ବେଳେ ପ୍ରଭୁ ରାମଚନ୍ଦ୍ର
ଶିବଧନୁ ଭାଙ୍ଗିଥିଲେ,
ଜନକ ନନ୍ଦିନୀ ସତୀ ସୀତାଙ୍କୁ ସେ
ପତ୍ନୀରୂପେ ବରିଥିଲେ |
ଅଛି ଭାଗବତ ପୁରlଣରେ ଲେଖା
ପର୍ଶୁରାମ ଯେ ଅମର,
ତପସ୍ୟାରେ ରତ ମହେନ୍ଦ୍ର ପର୍ବତେ
ଏକ ବିଷ୍ଣୁ ଅବତାର |
ତ୍ରେତୟାରେ ରାମ ଦ୍ୱାପରରେ କୃଷ୍ଣ
ପର୍ଶୁରାମ ମିଶିଥିଲେ,
ପ୍ରମାଣିତ ହୁଏ ଅମରତ୍ୱ କଥା
ପୁରାଣ ଯେ ଲେଖିଗଲେ |
ଶ୍ରେଷ୍ଠ ପୁଣ୍ୟଗ୍ରନ୍ଥ ମହାଭାରତ ରେ
ବ୍ୟାସମୁନି ଲେଖିଥିଲେ,
ତୃତୀୟ ପାଣ୍ଡଵ ମହେନ୍ଦ୍ର ଗିରିକୁ
ବୁଲିବାକୁ ଯାଇଥିଲେ |
ମହେନ୍ଦ୍ର ଗିରିର ଶିବ ମନ୍ଦିରକୁ
ପାଣ୍ଡଵ ଯେ ଗଢ଼ିଥିଲେ,
ଏବେବି ସେଠାରେ ମହାଶିବରାତ୍ରି
ପାଳିତ ହୁଅଇ ଭଲେ |
ମାଳୟ, ସlହ୍ୟlଦ୍ରି, ପରିଯାତ୍ରା, ବିନ୍ଧ୍ୟ,
ଶୁକ୍ତିମାନ, ମାଲ୍ୟବନ,
କୁଳପର୍ବତ ଯେ ସେ ମହେନ୍ଦ୍ରଗିରି
ହୋଇ ଏସବୁ ମିଶ୍ରଣ |
ମହେନ୍ଦ୍ରଗିରିରେ ଶୋଭାପାଏ ଆଜି
ଛଅଶହ ପୁଷ୍ପୋଦ୍ୟାନ,
ଔଷଧୀୟ ଗୁଳ୍ମ ବୃକ୍ଷରେ ରାଜିତ
ହୋଇ ହସେ ଶୋଭାବନ |
ଓଡିଶା ଶାସନ ଘୋଷଣା କରିଛି
ସରଂକ୍ଷିତ ସେ ଅରଣ୍ୟ,
ନାନା ଜୀବଜନ୍ତୁ ନିର୍ଭୟେ ବୁଲନ୍ତି
ସୃଷ୍ଟିକରେ ପ୍ରଲୋଭନ |