ମହାନ ବ୍ୟକ୍ତିତ୍ୱ

ଗୌତମ ବୁଦ୍ଧ ହେ, ଏସିଆ ଆଲୋକ

ବୌଦ୍ଧ ଧର୍ମେ ଦେଲ ଦୀକ୍ଷା ।

ସୁମୁଦ୍ର ଗୁପ୍ତର ଯେ, ଭାରତୀୟ ପାଇଁ

ନେପୋଲିୟନଙ୍କ ଶିକ୍ଷା ।।

ମୋହନ ଦାସ ହେ, ତୁମେ ଯେ ମହାତ୍ମା

ସ୍ୱାଧୀନ ଦେଶର ପାଇଁ ।

ପଲ୍ଲୀ କବି ନାମେ, ନନ୍ଦ କିଶୋରଙ୍କୁ

ଉତ୍କଳ ରହିଛି ଚେଇଁ ।।

କବିସମ୍ରାଟର, ଉପାଧି ଧରିଣ

ଉପେନ୍ଦ୍ର ରଚିଲ କେତେ ।

ଜାତୀୟ କବିର, ଆସନେ ମଣ୍ଡିତ

ବିର କିଶୋର ଜଗତେ ।।

କବିସୁର୍ଯ୍ୟ ଅଟ, ବଳଦେବ ରଥ

ବର୍ଣ୍ଣନା ମଧୁର ତୁମ ।

ଗୁରୁଦେବ ପରା, ରବୀନ୍ଦ୍ର ଠାକୁର

ତୁମ ପାଦେ ନମୋ ନମଃ ।।

ବ୍ୟାସକବି ତୁମେ, ଫକୀର ମୋହନ

ଉପନ୍ୟାସ ଶ୍ରେଷ୍ଠ ମଣି ।

କବି ବର ହୋଇ, ରାଧାନାଥ ତୁମେ

ବର୍ଣନାରେ ଦେଲ ହାଣି ।।

କବିଚନ୍ଦ୍ର ତୁମେ, କାଳୀ ଚରଣ ହେ

ସାହିତ୍ୟ ଜଗତେ ଚିହ୍ନ ।

ନେତାଜୀ ସୁବାଷ, ବିରତ୍ୱ ଗାରିମା

ସ୍ୱାଧୀନ ଦେଶର ରତ୍ନ ।।

ଲୌହମାନବର, ଉପାଧି ମଣ୍ଡିତ

ସର୍ଦାରବଲ୍ଲଭ ତୁମେ ।

ପଞ୍ଜାବ କେଶରୀ, ଲାଲା ଲଜପତ

ପୂଜିତ ଶ୍ରେଷ୍ଠତ୍ଵ ନାମେ ।।

ପ୍ରାଚ୍ୟ ପଶ୍ଚାତର, ଦୂତ ହୋଇ ତୁମେ

ଆସିଲ ବିବେକାନନ୍ଦ ।

ବୁଲୁବୁଲୁ ନାମେ, ଉପାଧି ଧରିଣ

ସରୋଜିନୀ ନୁହେଁ ମନ୍ଦ ।।

ଲୋକମାନ୍ୟ ତୁମେ, ବାଲ ଗଙ୍ଗାଧର

ଭାରତୀୟଙ୍କ ହୃଦୟ ।

ଆଦି କବି ପରା, ସାରଳା ଦାସ ଯେ

ଶାରଳାଙ୍କୁ କଲ ଜୟ ।।

ଶାନ୍ତି ଦୂତ ହୋଇ, ପଣ୍ଡିତ ନେହେରୁ

ଇତିହାସ ପୃଷ୍ଠେ ବିଦ୍ୟ ।

ଜଗତର ଗୁରୁ, ଶଙ୍କରାଚାର୍ଯ୍ୟ ଯେ

ଧର୍ମପ୍ରଚାରରେ ଆଦ୍ୟ ।।

ଆଚାର୍ଯ୍ୟ ବିନୋଦା, ପାଣ୍ଡିତ୍ୱ ଗାରିମା

ସମାଜ ମଙ୍ଗଳ ପାଇଁ ।

କ୍ରିକେଟର ରାଜା, କପିଳ ଦେବଯେ

ଗର୍ବିତ ସେ କିଙ୍ଗ ହୋଇ ।।

ଓଡ଼ିଶାର ରାଜା, ଆଲେକଜାଣ୍ଡାର

ଗଜପତି କପିଳେନ୍ଦ୍ର ।

ଲୋକ ମାତା ରୂପେ, କସ୍ତୁରୀ ଦେଇ ଯେ

ନାରୀ ଜାତିର ସେ ଚନ୍ଦ୍ର ।।

ଶାନ୍ତିର କପୋତ, ବାହାଦୂର ଶାସ୍ତ୍ରୀ

ଦେଶର ମଉଡ଼ ମଣି ।

ବିଦ୍ୟାସାଗରର, ଉପାଧି ଭୂଷିତ

ଈଶ୍ୱର ଚନ୍ଦ୍ର ଯେ ପୁଣି ।।

ମରାଠୀ କେଶରୀ, ଛତ୍ର ପତି ସେଜେ

ଶିବାଜୀ ନାମରେ ଜଣା ।

ମହାମାନ୍ୟ ପରା, ମଦନ ମୋହନ

ମାଲବ୍ୟ ନାମରେ ଗଣା ।।

ଉତ୍କଳ କେଶରୀ, ହରେକୃଷ ପରା

ମହତାଵ ନାମ ତାଙ୍କ ।

ଆନ୍ଧ୍ର କେଶରୀ ଯେ, ଟିଇ ପ୍ରକାଶମ

ତେଲୁଗୁ ଜାତିର ଅଙ୍କ ।।

ମହାନ ନାୟକ, ବିଦ୍ୱାନ ଲେଖକ

କବିଙ୍କର ନାମ ଧରି ।

କବିତା ଆକାରେ, କରିଲି ବର୍ଣ୍ଣନା

ପାଠକ ପାଠିକା ହରି ।।