ମହାମାୟୀ ଆବାହନେ
ମହାମାୟୀ ଆବାହନେ
ଶରତ ସମ୍ଭାରେ ଅମ୍ବେ ଆଗମନେ,
ହସୁଛି ଧରଣୀରାଣୀ,
ଆବାହନେ ମା'ର ସମସ୍ତେ ତତ୍ପର,
ପାଦପ ହେଉ କି ପ୍ରାଣୀ ||
କୈଳାସ ଗିରିରୁ ଓହ୍ଲାଇ ଆସିବେ,
ଗିରିଜା-ରାଜନନ୍ଦୀନୀ,
ଜଗତବାସୀଙ୍କ କଲ୍ୟାଣ କରି,
ବାହୁଡିବେ ଜଗତଜ୍ଜନନୀ ||
ଜ୍ୟୋଷ୍ଠ ମାସ ଶୁକ୍ଳଦଶମୀ ତିଥିରେ,
ପଡେ ଗଙ୍ଗା ଦଶହରା,
ଗଙ୍ଗା ତୀର ବାସୀ ଆଶିଷ ଲଭନ୍ତି,
ଦୋଷ,ପାପ ଧୋଇ ବହେ ପବିତ୍ର ଧାରା ||
ଆଶ୍ବିନ ମାସର କୃଷ୍ଣ ତୁଳାଷ୍ଟମୀ,
ଠାରୁ ମହାଷ୍ଟମୀ ଷୋ'ଳଦିନ,
ଶାରଦୀୟ ପୂଜା ପାଳିତହୁଅଇ,
ସୌଭାଗ୍ୟ ଲଭନ୍ତି ସର୍ବଜନ ||
ମର୍ଯ୍ୟଦାପୁରୁଷ ସୂର୍ଯ୍ୟକୁଳ ମଣି,
ବରପ୍ରାପ୍ତି ପାଇଥିଲେ,
ନବମୀ ଦିନରେ ଦଶାନନ ବଦ୍ଧି,
ଦଶମୀରେ ବିଜୟା ଦଶମୀ ପାଳିଲେ ||
ମହାଶକ୍ତି,ମହାଲକ୍ଷ୍ମୀ ରୂପରେ,
ମହୀଷାସୁର କୁ ବଦ୍ଧିଲ,
ମହୀଷାମର୍ଦ୍ଧୀନୀ ନାମରେ,
ଯୁଗେଯୁଗେ ଅଭିହିତ ହେଲ ||
ମହାଦେବୀ,ମହା ସରସ୍ବତୀ ରୂପେ,
ଶୁମ୍ଭ,ନିଶୁମ୍ଭ,ଚଣ୍ଡ,ମୁଣ୍ଡ ନାଶ କଲ,
ଆସୁରିକ ପ୍ରବୃତ୍ତି ବିନାଶି,
ବିଶ୍ବ ଶାନ୍ତି କୁ ସ୍ଥାପିଲ ||
ବ୍ରହ୍ମା,ବିଷ୍ଣୁ,ଶିବ,ଇନ୍ଦ୍ର ଦେବଙ୍କ,
ତେଜରୁ ଉତ୍ପତ୍ତି ହେଲ,
ନାରାୟଣୀ,ନାରୀ ରୂପ ଧରି,
ରଜ,ତମ,ହିଂସା,କପଟତା ବିନାଶିଲ ||
ଶିବ ତ୍ରିଶୁଳ,ପବନ ଧନୁଶର,
ବ୍ରହ୍ମା କମଣ୍ଡଳ, ବିଷ୍ଣୁଙ୍କ ଚନ୍ଦ୍ର,
ଯମକାଳ ଦଣ୍ଡ,ବିଶ୍ବକର୍ମା କୁଠାର,
ବରୁଣଙ୍କ ଶଙ୍ଖ,ଇନ୍ଦ୍ରରାଜ ବଜ୍ର ||
ସମୁଦ୍ରରୁ ପଦ୍ମ,କାଳଦେବୀ ଖଡ୍ଗ,
ଦେବୀ ଦିବ୍ୟ ଆଭରଣେ ସଜ୍ଜିତା,
ମୁକ୍ତାହାର,କୁଣ୍ଡଳ,ବଳା,ମୁଦ୍ରିକା,
ନାନାଅଳଙ୍କାରେ ଭୁଷିତା ||
ବିଶ୍ବ ମୋହୀନୀ ତେଜ ଦରଶନ,
ମହିଷାସୁର ମୋହିତ,
ତ୍ରିପୁର ରକ୍ଷାର୍ଥେ ନଗ୍ନ ରୂପ ଧରି,
ଦୁଷ୍ଟ ଦାନବର କଲ ଅନ୍ତ ||
କେତେ ରୂପ ତୁମ ଦଶଭୁଜା,
ବୈଷ୍ଣବୀ, ଗୌରୀ,କାତ୍ୟାୟନୀ,
ମୁଣ୍ଡମାଳୀନୀ,ତ୍ରିପୁରା ସୁନ୍ଦରୀ,
ରାମଚଣ୍ଡୀ,ଭୁବନେଶ୍ବରୀ,ମୋହୀନୀ ||
ନିଖିଳବ୍ରହ୍ମାଣ୍ଡ ସୃଷ୍ଟି ସ୍ଥିତି ପାଇଁ,
ମୂଳ ଉତ୍ସ ମାତୃ ଶକ୍ତି,
ସମସ୍ତ ବିଦ୍ୟା,ବୁଦ୍ଧିର ମୂଳଧାରା,
ବିଶ୍ବର ସୁଖ ଶାନ୍ତି ||
ନାରାୟଣୀ ଶକ୍ତି ସ୍ବରୂପା ମା',
ଯାଉଛୁ ଶରଣାପନ୍ନ,
ସତ୍ୟ,ଶାନ୍ତି,ଦୟା,କ୍ଷମା ଭରିଦିଅ,
ମଧୁମୟ,ସୁଧାମୟ କର ଜୀବନ ||
ସୁଶ୍ରୀ ସାହୁ
ଶିଲଂଗ
ମେଘାଳୟ