ମାଆ ପରି ଗାଈ

ମାଆ କ୍ଷୀର ପାନ ଆମରି ଜୀବନ ହୋଇଛେ ଧନ୍ୟ

ମାଆ ପରି ଗାଈ ତାର କ୍ଷୀର ପାଇଁ ପାଳିବା ମନ ।

ପାଉ କ୍ଷୀର,ଦହି,ଛେନା,ଘିଅ ଯହିଁ ଗାଈ ର ଦାନ

କେବେ ତାହାପାଇଁ ଭାବିଛେ କି ଭାଇ ତା ସନମାନ ।

ବୃଦ୍ଧା ହେଲେ ନେଇ କଂସେଇକୁ ଦେଇଦେଉଛେ ଟେକି

ଆଉ ଲୋଡନାହିଁ ପୁଣି ଆମପାଇଁ ପରକି ସେକି ।

ଗାଈର ଗୋବର ଲିପାପୋଛା ଘର ଚନ୍ଦନ ଟୀକା

ଶେଷରେ ତାହାର ମାଉସ ଆହାର ହେଉଛି ବିକା ।

ପୁରାଣ ଆମର କରାଏ ସ୍ମରଣ ଦେବତା ଥାଇ

ଶାନ୍ତନୁ ରାଜା ବି ବର ଲାଭକରି ପୁଜିଲେ ଗାଈ ।

ଗୋପରେ ଗୋପାଳ ଧେନୁ ଥିଲା ସାର ତାହାଙ୍କ ପାଇଁ

ମରତେ ବି କାମଧେନୁ ଅଟେ ଧେନୁ ଆସିଛି ଧାଇଁ ।

ଘରେ ଗାଇଟିଏ ମାପରି ସିଏ ତା ସେବା କରି

ସୁଖ ଶାନ୍ତି ଯଶ କ୍ଷୀର ଲବଣିରେ ଜିବଟି ଭରି ।