ମା ବୀଣାପାଣି

ନମସ୍ତେ ମା' ବୀଣାପାଣି    ବ୍ରହ୍ମଲୋକ ନିବାସିନୀ

     ବିଦ୍ୟା,ବୁଦ୍ଧି, ଜ୍ଞାନ ପ୍ରଦାୟିନୀ ।

ମାନବ, ସୁର, ଅସୁର   ଋଷି, ମୁନି, ସାଧୁ, ଧୀର

     କରନ୍ତି ତୁମକୁ ମା' ଦୟିନୀ ।।

କରେ ତବ ଶୋହେ ବୀଣା   ତ୍ରିଦେବୀରେ ଅଗ୍ରଗଣ୍ୟା

    ସରସ୍ୱତୀ ନାମେ ତୁମେ ଖ୍ୟାତ।

ବନ୍ଦିଛି ଯେ ତବପଦ     ତୁଟିଛି ତା ପରମାଦ

    ଶୁଣିଛି ମୁଁ ପୁରାଣେ ବର୍ଣ୍ଣିତ ।।

ବର୍ଣ୍ଣେଶ୍ୱରୀ,ବିଦ୍ୟାଧାତ୍ରୀ    ମାହେଶ୍ୱରୀ ମା ଭାରତୀ

     କାଳିଦାସ ନାମେ ତବ ପୁତ୍ର।

ମହାକବି ସମ୍ମାନରେ     ବିଭୂଷିତ ତୁମ୍ଭବଳେ

    ରଚି ଅନେକ କାବ୍ୟ ଓ ଶାସ୍ତ୍ର ।।

ମର୍ତ୍ତେ ତବ ଆଗମନ     ବସନ୍ତ ପଞ୍ଚମୀ ଦିନ

    ଚତୁର୍ଦ୍ଦିଗେ ତୁମ ଆବାହନ ।

ବାଳକ ବାଳିକାଗଣ    ପ୍ରାର୍ଥନାରେ ହୋଇ ମଗ୍ନ

     କରୁଥାନ୍ତି ତବ ସ୍ମୃତିଗାନ ।।

ଆହେ ମାତ ହୁଅ ପ୍ରୀତ  ଆମ୍ଭେ ସର୍ବେ ତୁମ ସୁତ

     ଦିଅ ଶୁଭାଶିଷ କରି ବୃଷ୍ଟି।

ଲଭି ତବ କୃପାଦୃଷ୍ଟି   ହୋଇବୁ ଜୀବନେ ତ୍ରୁଷ୍ଟି

     କରୁଥିବୁ କେତେ କାବ୍ୟ ସୃଷ୍ଟି ।।