ଲଣ୍ଠନ

ଲଗାମ ଛଡା ଜୀବନେ ଏହା

ଅଟେ ପୁରୁଣା ସ୍ମୃତି

କଟିଛି କେତେ ତାଆରି ସହ

ଅନ୍ଧାର ବାସ୍ନା ରାତି ।

ପାଠ ପଢ଼ାରେ ଖିଆପିଆରେ

ଦେଇଛି କେତେ ଖୁସି

ପଢ଼ିଛି ପାଠ ଅଷ୍ଟମ ଯାଏଁ

ପାଖରେ ତାର ବସି ।

କିରାସିନି ପି' ଆଲୋକ ଦିଏ

ଦେଖାଏ ଚାଲିବା ବାଟ

ଶିଖିଛି କେତେ ତାଆରି ସାଥେ

ଭୁଲିଛି କେତେ କଷ୍ଟ ।

ଆଗର ହାଟେ କିଣିବା ବାଟେ

ଅଳପ ତାହାର ଦାମ

ଅଳପ ଖର୍ଚ୍ଚେ ଅନେକ ଖୁସି

ମହାନ ତାର କାମ । 

ଧାନ ଖଳାରେ କ୍ଷେତ ପାଖରେ

ପଢିବା ଘରେ ଥାଇ

କୁଡ଼ିଆ ଘରେ ନଈ ପଠାରେ

ଆଲୋକ ଦିଏ ରହି ।

ବରଷା ରାତି ସେ ଏକା ସାଥି

ହଟାଏ ମନୁ ଭୟ

ଆସିଛି କାମେ ଭାରତ ଧାମେ

ହୋଇଛି ତାର ଜୟ ।

ଜଡିତ କେତେ ଅତୀତ ସ୍ମୃତି

ଗାଆଁରୁ ହୁଏ ଜାଣି

ଅଭୁଲା ସେହି ଅନ୍ଧାର ରାତି

ମନକୁ ନିଏ କିଣି ।।