ଲକ୍ଷ୍ୟ ପଥ

ଜୀବନ ଯୁଦ୍ଧର ମୁଁ ବୀର ମାନବ

ଲକ୍ଷ୍ୟପଥେ ଅଗ୍ରସର

ସଫଳତା ନିଶ୍ଚେ ଲଭିବି ତ ଦିନେ

ସାଜିଅଛି ଧନୁର୍ଦ୍ଧର ।

ବାରମ୍ବାର ଯେତେ ହେଲେ ବି ବିଫଳ

ଧୈର୍ଯ୍ୟ ରଖି ହୃଦୟରେ

ସଫଳତା ଶୀର୍ଷ ଛୁଇଁଯିବି ବୋଲି

ପ୍ରାଣପ୍ରଣେ ଚେଷ୍ଟା କରେ ।

ମନରେ ସାହସ ବାହୁରେ ଶକତି

ଆଗ୍ରହକୁ ସାଥି କରି

ଶତ ଶତ ବାର ଉଦ୍ୟମ କରୁଛି

ଯିବି ନାହିଁ କେବେ ହାରି ।

ଦୃଢ଼ ମନୋବଳ କରେନା ଦୁର୍ବଳ

ପହଞ୍ଚିବି ଲକ୍ଷ୍ୟସ୍ଥଳେ

ଅରଯିବି ଯଶ ,ମାନ ସନମାନ

ଦୁଃଖ ନାହିଁ ମନେ ତିଳେ ।

ବିଫଳତା ପାଇଁ ଅଧୈର୍ଯ୍ୟ ହୁଅନା

ମନ ଦୃଢ଼ କରି ଚାଲ

ପ୍ରକୃତ ପ୍ରୟାସ କର ପ୍ରତି କ୍ଷଣେ

ବୁଝି ପରିଶ୍ରମ ମୂଲ ।

ଲକ୍ଷ୍ୟ ସ୍ଥିର କର ଲକ୍ଷ୍ୟପଥ ଖୋଜ

ଜୀବନରେ ସୁଖ ପାଇଁ

ଅବିରତ ସେହି ପଥେ ଚାଲୁଥାଅ

ପଥଭ୍ରଷ୍ଟ ହୁଅ ନାହିଁ ।