ଲାଗିବନି ପାପ ଦାଗ
ଲାଗିବନି ପାପ ଦାଗ
1 min
227
ସବୁ ରଙ୍ଗ ଦିନେ ଫିକା ପଡିଯାଇ
ଅଦିନରେ ଲିଭିଯିବ,
ଭକ୍ତି ଭାବ ରଙ୍ଗ ଲାଗିଗଲେ ଥରେ
ଚିର ଦିନ ଝଟକିବ ।
ଏ କଳିକାଳ ରେ ଉଦ୍ଧାର ନିମନ୍ତେ
ରାମ କୃଷ୍ଣ ନାମ ଭଜ,
ନାମ ବିନୁ ଆନ ପୁଣ୍ୟ ନାହିଁ କିଛି
କଥା ଟିକୁ ଥରେ ହେଜ ।
ନାମ ରସ ପାନେ ସୁଖ ଝରୁଥିବ
ପରମ ଆନନ୍ଦ ସେହି,
ଦୁଃଖ ତୋ ଜୀବନୁ ଯିବ ବଗୁ ଦୂର
ପାଖକୁ ଛୁଇଁବ ନାହିଁ ।
ନାମ ସଂକିର୍ତ୍ତନେ ନିଜକୁ ହଜାଇ
ବୋଳି ହେଲେ ତାର ରଙ୍ଗ,
ମନ ଓ ପ୍ରାଣକୁ ଶାନ୍ତି ମିଳିଯିବ
ଲାଗିବନି ପାପ ଦାଗ ।