🙏କୋଉଠି ଅଛୁ ତୁ🙏

କୋଉଠି ଅଛୁ ତୁ

  କେମିତି ଅଛୁ ତୁ ।। ୧।। 

ଗଲା ବେଳେ ଏକା ଗଲୁ ତୁ

 ମତେ ସାଥେ ନେଲୁ ନାହିଁ ତୁ ।। ୨।। 

 ସ୍ବପ୍ନରେ ଆସିବୁ ସଦା  ତୁ

ମତେ ଦେଖାକରୁ ଥିବୁ ତୁ ।। ୩।। 

କହ ଭାଇ କାହିଁ ପାଇଁ ମତେ 

ଏକାତ ଛାଡିଚାଲିଗଲୁ ତୁ ।। ୪।। 

ତକ୍ଲେଟ୍ ଚୋରଣି ଡାକୁଥିଲୁ ମତେ ତୁ

   ବିସ୍କୁଟ୍ ଚୋର ଡାକୁଥିଲି,ତ ତତେ ମୁଁ ।। ୫।। 

ରୁଟିବେଲା ଶିଖାଇଥିଲୁ ମତେ ତୁ

   କେତେ ସ୍ନେହ କରୁଥିଲୁ ମତେ ତୁ ।। ୬।। 

ଗ୍ରୀଟିନ୍ ସି ଚୋରଣି କହିଥିଲୁ ମତେ ତୁ

  ମୋ ତକିଆ ଚୋରି କରିନେଉଥିଲୁତ ତୁ ।। ୭।। 

ମୋ ଟକିଆ ତୋର କହୁଥିଲୁ ସଦାତ ତୁ 

ଅନ୍ତିମ କାଳେ ସାଥେ ନେଇଗଲୁ ତାକୁ ତୁ ।। ୮।। 

କୋଉଠି ଅଛୁ ତୁ 

           କେମିତି ଅଛୁ ତୁ ।। ୯।। 

ରାକ୍ଷୀପୂର୍ଣ୍ଣିମାରେ ରାକ୍ଷୀ ବାନ୍ଧିଥିଲି ବୋଲି

   ଘଣ୍ଟା ଉପହାର ଦେଇଥିଲୁ ତ ମତେ ତୁ ।। ୧୦।।

 ଆଜିସିନା ମୋ ପାଖରେ ନାହୁଁରେ ଭାଇ ତୁ

  ସେ ହାତଘଣ୍ଟାକୁ ସାଇତି ରଖିଛିରେ ମୁଁ ।। ୧୧।। 

ରାକ୍ଷୀ ପୂର୍ଣ୍ଣିମାରେ  ବେଶୀ  ମନେପଡୁଛି  ତୁ

 ଥରେ ଆସି ଦେଖିଯାଆ କେମିତି ଅଛିରେ ମୁଁ ।। ୧୨।।

                    ମନସ୍ମିତା ଦାସ 

                        ଭଦ୍ରକ