କଲମ
କଲମ
1 min
296
କ୍ଷୁଦ୍ର କାୟାରେ ମହତ ସାଧନ
କରିପାରେ ଏଇ କଲମଟିଏ
ମୁନରେ ତାହାର ଆଙ୍କିଦେଇପାରେ
ମନଛୁଆଁ ସୂକ୍ଷ୍ମ କୀରତ୍ତିଟିଏ ।
କେତେ କେତେ ଚିନ୍ତା ଚେତନା ଭାବନା
ମଣିଷର ହୃଦ ତଳର କଥା
କଲମ ଧାରରେ ଚିତ୍ରିତ ହୋଇଛି
ଅତୀତର ସୃଷ୍ଟି ସଭ୍ୟତା ଗାଥା ।
ସମାଜ ମଞ୍ଚରେ ବାସ୍ତବ ଚିତ୍ରକୁ
ଆଙ୍କିଦେଇ ହୁଏ କଲମଧାରେ
ବିଦ୍ରୋହ ଭାବନା ଦୁଃସ୍ଥର ବେଦନା
ନିର୍ବିଘ୍ନରେ ସାଧା କାଗଜ ଭରେ ।
ଆଶାର ଦିଗରେ କଳ୍ପନା ନେତ୍ରରେ
ଗଢ଼ିଦେବା ପାଇଁ ସୃଜନୀ କେତେ
ସାରା ଶ୍ରେୟ ନିଶ୍ଚେ କଲମକୁ ଦେବେ
ଜ୍ଞାନୀ ଗୁଣୀ ମାନୀ ସଜ୍ଜନ ଯେତେ ।
ସୀମିତ ଆର୍ଥିକ ମୂଲ୍ୟର କଲମ
ଉପକାର ତା'ର ଅମୂଲମୂଲ
ତା' ବିନା ଅଧୁରା ଜ୍ଞାନାର୍ଜନ ପଥ
କିଏ ଅବା ହେବ କଲମ ତୁଲ ?