କଳା ଠାକୁର

କଳାଠାକୁର ସେତ କଳାଠାକୁର

ଜଗତ ନାଥ ପ୍ରଭୁ ମୁରଲୀଧର

ଭକ୍ତର ଭାବେ ବନ୍ଧା ମଧୁସୂଦନ

ବଡ଼ ଦେଉଳେ ଦେଖ ଚକାନୟନ ll

ଚକା ଚକା ଆଖି ତା ସୁମନୋହର 

ସାରା ବ୍ରହ୍ମାଣ୍ଡ ଦେଖେ ସେ ବଂଶୀଧର

ଗୋଡ଼ ନାହିଁ ଚାଲେ ସେ ଦୁନିଆଁ ଜାଣ 

ହାତ ନାହିଁ ଧରିଛି ସାରା ଭୁବନ ll

କଳା ଶରୀର କରେ ମନକୁ ଚୋରି 

ଷୋଳ କଳା ସମ୍ପନ୍ନ ହରେ ମୁରାରୀ

ଶ୍ରୀକୃଷ୍ଣ ଗୋବିନ୍ଦ ସେ ଯଶୋଦା ଧନ

ଗୋପୀଙ୍କ ଅତି ପ୍ରିୟ ଚୋରାଏ ମନ ll

କାଳିଆ ସାଆନ୍ତ ମୋ କଳାଠାକୁର

ମୋହରି ଠାରେ ପ୍ରଭୁ ଯେ ଦୟା କର

ସତ୍ୟ ସାହସେ ସଦା ଥାଉ ମୋ ମନ

ଜଗନ୍ନାଥ ପ୍ରଭୁଙ୍କୁ କରେ ଜଣାଣ ll