ଖିଏ ହସ
ଖିଏ ହସ
ହସ ଖିଅଟିରେ ବାନ୍ଧି ଦେଇ ପାରୁ
ମନର ମଣିଷ ଟିକୁ ।
ଚେନାଏ ହସରେ ଜିତି ଯାଇ ହୁଏ
ଶତ୍ରୁ ପରି ଲାଗେ ତାକୁ।
ହସଖିଅଟିରେ କି କୁହୁକ ଅଛି
କାହାକୁ ନାହିଁ ତ ଜଣା।
ପର କୁଆପଣା କରି ଦେଇ ପାରେ
ବୁଦ୍ଧି ହୋଇଯାଏ ବଣା।
କୁଟିଳ ହସରେ ହାଣେ କଟାକ୍ଷରେ
ସ୍ମିତହସ ମନ କିଣେ।
କିରି, କିରି ହସ ମନ ମୋହିନିଏ
ବ୍ୟଙ୍ଗ ହସ ଦୁଃଖ ଆଣେ।
ହସ ର ସଂସାରେ ଦୁର୍ଭିକ୍ଷ ପବିଛି
ପନ୍ଥା କିଛି ଦିଶୁନାହିଁ।
ହସିବା ପାଇଁ କି ଔଷଧ ବି ଲୋଡା
ସେ ଔଷଧ ମିଳେ କାହିଁ।
ୱାଟସପ ହସ, ଫେସବୁକ ହସ
ଶସ୍ତା ହେଲା ଆଜି କାଲି।
ମେସେଜ ଆସିଛି ଇମେଲରେ ହସ
ପଠାଇବ ଭଲ ବୋଲି ।
ହସ ରଖିପାରେ ବିଶ୍ୱରେ ସୁନାମ
ହସୁଥିବା ସଦା ଆସ।
ହସ ରଖିପାରେ ନୀରୋଗ ମନକୁ
ନହସିଲେ ହେବ ନାଶ।