କେମିତି ୟେ ରାଜନୀତି

ସଂସାରର ଲୀଳା ବଡ ଅଦ୍ଭୁତ ଏ

     ଘରେ ଘରେ ରାଜନୀତି

ପାର୍ଟି ପାର୍ଟି ହୋଇ ଭାଇ ଭାଇ

   ମଧ୍ୟେ କଳହ ଚାଲିଛି ନୀତି ।

ଯେଉଁଠି ଦେଖିଲେ ଟଣା ଓଟରାରେ

   ଶୋଧ ଶୋଧି ହେଉଛନ୍ତି

ବୁଝିବି ହେଉନି କାହିଁକି ଏମାନେ

    ଲୋଭ ନେଇ ଜିଉଁଛନ୍ତି ।

ଖଟିଲେ ଖାଇବେ କରିଲେ ପାଇବେ

    ଜାଣିଶୁଣି ଏତେ ଲୋଭ

ଆବୁଝାକୁ କେହି ବୁଝେଇ ପାରେନା

    ପାର୍ଟି ପ୍ରେମୀଙ୍କର କ୍ଷୁଭ ।

ଜିତିବା ଲୋକଟି ଲୋଭ ଦେଖାଇଣ

    ଜିତି ବସେ ଆସନରେ

ବାଲିମିଶା ଖୁଦ ଫିଙ୍ଗିଦିଏ ମୁଠେ

    ପାର୍ଟି ପ୍ରେମୀଙ୍କ ମୁଂହରେ ।

ଖାଏ ବିରିୟାନି ଫିଙ୍ଗେ ବାଲି ଖୁଦ

    ଲୋକଙ୍କୁ ହାତରେ ରଖେ

ପାର୍ଟିପ୍ରେମୀ ଏବେ ଖୁଦ ପାଇଁ ବାୟା

      ଭାବନ୍ତି ତାହାକୁ ଲକ୍ଷେ ।

ଯେଉଁଠାକୁ ଯାଅ ପଚାରନ୍ତି ଲୋକେ

      ତୁମେ କେଉଁ ଦଳ ଲୋକ

ବୁଝେଇ ବୁଝେଇ ଥକି ଗଲେ ମଧ୍ୟ

      ଛାଡିବେନି ତାଙ୍କ ଝୁଙ୍କ ।

ଥାନାଠୁଁ କଚେରୀ ଯେଉଁ ଠାକୁ ଯାଅ

      ସବୁଠାରେ ରାଜନୀତି

ଆଗ ଦଳ କୁହ ତାପରେ ବିଚାର

     ହାଇରେ ଦଳର ନୀତି ।

ବିଜେପି ବିଜେଡି ଆଉ କଂଗ୍ରେସ 

     କରୁଛନ୍ତି ଏବେ ଖେଳ

କାହାକୁ ଧରିବୁ କାହାକୁ ଛାଡ଼ିବୁ

     ଭାବି ଭାବି ହେଲି ଭୋଳ ।