କଢଦ୍ୱୟ

ଲୁହ -କୋହ -ମୋହ (ଏକ )

------------------------

ଓଠକୁ ମାଗିଲି ହସ ଟିକିଏ

ଆଖିରୁ ଖସିଲା ଲୁହ

ମନକୁ ପଚାରି ବୁଝିଲି କାରଣ

ଉତ୍ତରରେ ଖାଲି କୋହ l

ଯେଉଁଠି ଶୁଣିଲି ସେଇଠି ଶୁଭିଲା

ସଂସାରଟା ଖାଲି ମୋହ

ସମାଜ ଦେଖିକି ଟୁପୁରୁ ଟାପୁରୁ

କାହାକୁ କହିବା କୁହ ?

"ଜାଣିଲା ଯାଦୁ "(ଦୁଇ )

----------------------------

ଜୀବନଟି ଖୋଜେ ଅଜବ ଜିନିଷ

ସମୟ ଖେଳାଏ ଖେଳ

ସଂସାର ଶିଖାଏ ବଂଚିବା ଶୈଳୀ

ନାହିଁ କାହା ତାଳମେଳ l

ମୃତ୍ୟୁ ବି ଏଠି ଆଶାରଖେ କିଛି

ଶିଖାଏ ଫୋପାଡ଼ି ଡୋରୀ

ସମ୍ପୂର୍ଣ୍ଣ ସଂସାର ମାୟାଖାଲି ମାୟା

କାଳହାତେ ଯାଏ ସରି l