ଜୟ ମା ଦୁର୍ଗା

ମାତୃ ଶକ୍ତିମାନ ହୋଇ ଆବାହନ

ବିଜେ ସବୁ ଦେବୀ ପୀଠରେ

ବିଶେଷ ପୂଜନ ହୁଏ ଦିନମାନ

ଶଙ୍କରାଚାର୍ଯ୍ୟଙ୍କ ମଠରେ

ତନ୍ତ୍ର ମନ୍ତ୍ର ଯନ୍ତ୍ର ହୁଏ ଉଚ୍ଚାରଣ

ଅବିରତ ସାଧୁ ଓଠରେ

ନବରାତ୍ର ଯଜ୍ଞ ଘୃତ ମଧୁ ସଙ୍ଗ

ସମିଧା ଚନ୍ଦନ କାଠରେ

ପୋଷାକ ଦରବ ବିକା କିଣା ହେବ

ଭିଡ ଜମେ ସବୁ ହାଟରେ

ମେଢ ଦେଖି ଦେଖି ପଢୁଛନ୍ତି ଥକି

ଚାଲୁ ଚାଲୁ ଅଧା ବାଟରେ

ଅଳସୁଆ ଭାଇ ଯାଉଛନ୍ତି ଶୋଇ

ରାତିଦିନ ପଟା ଖଟରେ

ନୂଆ ନୂଆ ଯୁବା ଗିପ୍ଟ୍ ଦେବାନେବା

ସାଥି ପରିବାର ଭେଟରେ

ଗୁପ୍ ଚୁପ୍ ଚାର୍ଟ କୁନା କୁନି ଖାଇ

ଯନ୍ତ୍ରଣା ହେଉଛି ପେଟରେ

ଅଳପ ଛୋପରା ଦେଖନ୍ତି ଅପେରା

ରାତି ଯାଏ ପାହି ନାଟରେ

କେଇଟା ଭେଣ୍ଡିଆ ଦେଖେଇକି ହିଆ

ବୁଲୁଥାନ୍ତି ନଈ ତୁଠରେ

ଅଳ୍ପ ଭକ୍ତ ସନ୍ଥ ହୋଇ ଶୁଦ୍ଧ ପୂତ

ଦୁର୍ଗା ମା ପୂଜା ପାଠରେ