ଲାଇବ୍ରେରୀ
ପ୍ରୋଫାଇଲ୍
ଜୀବନ ଗୀତା-୪୦୫
ଜୀବନ ଗୀତା-୪୦୫
1 min
360
ପ୍ରକୃତିର ଦାନ ଏଇ ଜୀବନ
ସତେ କେତେ ମହନୀୟ
କେନ୍ଦ୍ରବିନ୍ଦୁ ସେତ ସବୁରି ମଧ୍ୟେ
ନୁହେ କିଛି ତୁଳନୀୟ ॥୦॥
ଭୀତିପ୍ରଦ କେବେ ପ୍ରୀତିପଦ କେବେ
ଏଇ ଜୀବନର ଯାତ୍ରା
ଦୁଃଖ ପରେ ସୁଖ ଆସେ ବଢାଇ
ଶତ ପ୍ରତିଶତ ମାତ୍ରା
ଅଂଧାରରେ ଦୀପ କରେ ଯେମିତି
ଚତୁର୍ଦିଗ ଜ୍ୟୋତିର୍ମୟ ॥୧॥
ଆକର୍ଷିତ କେବେ ବିକର୍ଷିତ କେବେ
ଜୀବନ ତ କରିଥାଏ
ସବୁରି ମଧ୍ୟରୁ ସାର ବାଛି ନେଇ
ଖାଦ ଫିଙ୍ଗି ଦେଇଥାଏ
ସେଇଥି ପାଇଁକି ଜୀବନ ଲାଗେ
ସିନା ଏତେ ମଧୁମୟ ॥୨॥
