ଜହ୍ନରାତି

ଏହି ଜହ୍ନରାତି.. ଜୋଛନାରେ ସାଥି 

ଏକା ମୁଁ ତୁମକୁ ଝୁରୁଛି ।

ତାରା ଚାନ୍ଦୁଆରେ.. ଜହ୍ନ ହରଷରେ

ଖୁସିରେ ମୁରୁକି ହସୁଛି ।।

ତୁମ ପ୍ରୀତିର... ସ୍ନିଗ୍ଧ ମହକ

ତୁମ ବଦନ...  ଇନ୍ଦୁର ଚହକ,

ସବୁ ସପନ ପରାଏ ଲାଗୁଛି ।୧।

ଏହି ଜହ୍ନରାତି.. ଜୋଛନାରେ ସାଥି.. 

ଦୂରରେ ଚକୋରୀ.. ଦୃଦେ କୋହ ଭରି 

ଗୁମୁରି ଗୁମୁରି କାନ୍ଦୁଛି ।

ମନ୍ଦ ସମୀରଣ.. ମୃଦୁ ଶିହରଣେ

ଦେଖ କୁମୁଦିନୀ ନାଚୁଛି ।

କାହା ହସରେ.. କା'ର ଲୁହରେ

କାହା ବେଦନା.. କା'ର କୋହରେ 

ତୁମେ ନାହଁ ସାଥୀ.. ଭରା ଜହ୍ନରାତି

ମୋ ମନେ ଅନ୍ଧାର ଘୋଟିଛି।୨।

ଏହି ଜହ୍ନରାତି.. ଜୋଛନାରେ ସାଥି.. 

       *****