ଇନ୍ଦ୍ରଧନୁ

ସବୁ ସାତ ଯିଏ ନେଇଗଲା ସିଏ

ବାର ମାସର ବର୍ଷଟିଏ

ସାତ ଆଶ୍ଚର୍ଯ୍ୟର ସନ୍ତୁଳିତ ଆମ

ପୃଥିବୀ ମାଆ ସିଏ

ସବୁ ସାତ ଯଦି ଧୋଇଯାଏ

ସିଲଟ ଦରକାର ନୁହେଁ

ସବୁ ସାତ ଯଦି ମଉଳିଯିବ

କୋଣାର୍କକୁ ଅନେଇବ କିଏ

ସବୁ ସାତ ଯଦି ଲୁଚିଯିବେ

ସପ୍ତର୍ଷିମଣ୍ଡଳ ଖୋଜି ହୁଏ

ସବୁ ସାତ ଯଦି ପକ୍ଷୀ ହେବେ 

ବାଇ ଚଢ଼େଇ ଦେଖିବ କିଏ

ସବୁ ସାତ ଯଦି ଓହ୍ଲେଇବେ ମର୍ତ୍ତେ 

ଇନ୍ଦ୍ରଙ୍କ ସଭାରେ ନାଚିବ କିଏ

ସବୁ ସାତ ଘୁଙ୍ଗୁର ଫିଟିଯିବ ଯଦି

କଳଗାଉଣା ଗାଇବ କିଏ

ସବୁ ସାତ ଯଦି ହଜିଯିବେ କେଣେ

ଚିଲିକା କାହିଁକି ଯିବ କିଏ

ସବୁ ସାତ ଯଦି ଧୋଇ ହୋଇଯିବ

ହୋଲି ଖେଳ କେମିତି ଖେଳିବ କହେ

ସବୁ ସାତ ଯଦି ମିଛ ପ୍ରମାଣିତ

ଆଖିକୁ ନିଦ ଆସିବନି 

ସିଏ କହେ ସବୁ ସାତ 

ଯଦି ଦୁଇ କୂଳ ଛୁଇଁବନି

ସାତ ଦିନ ଆଉ ସାତ ରାତି 

ପତିବ୍ରତା ଅନସୂୟା ପାଇଁ ଏକ ହୁଏ

ସାତ ସାଗରକୁ ଧରି ରଖିବାକୁ

ଇନ୍ଦ୍ରଧନୁ ମନେ ପକାଇଦିଏ ।