ହସଟିଏ ଦରକାର
ହସଟିଏ ଦରକାର
ସେ ହସୁଥିଲା
ପ୍ରଗଳ୍ଭ ନଦୀ
କୂଳ ଲଙ୍ଘିଲା ଭଳି|
ଫୁଲ ପରି ତା' ହସରୁ
ମଧୁ ଝରୁଥିଲା,
ସେପଟେ ଖେଳ ପଡିଆରେ
ଚୌକା ଛକା ବର୍ଷୁଥିଲା
ଧୂ ଧୂ ଖରାର ତାତିରେ
ବସନ୍ତ ଓହ୍ଲାଇ ଆସୁଥିଲା|
ମଲ୍ଲି ଫୁଲର ବାସ୍ନା ପରି
ମୋ ସତ୍ତାକୁ ଛୁଂଥିଲା,
ସମ୍ପର୍କର ଏ ଉସ୍ମତା
ବର୍ତ୍ତମାନ ଦଲକାଏ ପବନ,
ଅତୀତର ଏ ଉପଲବ୍ଧି
ଅଲିଖିତ ଚୁକ୍ତିରେ
ଆଜିବି ସମ୍ପର୍କ ଯୋଡୁଛି |
ହସଟିଏ କଣ ଏତେ ଦରକାର
ମନକୁ ଛୁଇଁବାକୁ
ହୃଦୟକୁ ଜୋଡିବାକୁ
ଶତ୍ରୁକୁ ମିତ୍ର କରିବାକୁ
ଜୀବନ ପ୍ରେମମୟ ହେବାକୁ |
ଆପଣାର କେହି ହେବା ପାଇଁ
ହସଟିଏ ନିହାତି ଜରୁରୀ
ମୋରବି ଦରକାର |
ଆଗକୁ ଆଶା ଅଛି
ସେ ଓଠର ହସରେ
ମନର ଅଗଣାରେ
ଫୁଲ ଫୁଟିବ,
ଜୀବନ ସ୍ଵପ୍ଣମୟ
ପ୍ରୀତିମୟ,ଶାନ୍ତିମୟ ହେବ|
ଭବିଷ୍ୟତରେ ତୁମ ଓଠର
ହସ ଅଭାବ ପଡିବ
ସେଥିପାଇଁ ଆଙ୍କିଦେବି
ହସନ୍ତ ଓଠର ଛବିଟିଏ
କାଣିଚାଏ ଲୁହ ଢ଼ାଳିଦେଇ,
ସହର ବଜାର ହାଟ
ଚାରିଆଡେ ମାରିଦେବି
ମୋ ମନାଲିସାର ଫଟ |