ହେ ପ୍ରଭୁ ଶିବ-ଶଙ୍କର

ଡମ୍ବରୁଧର ଶଙ୍କର       ମଙ୍ଗଳମୟ ଈଶ୍ୱର

    ତ୍ରାଣକର୍ତ୍ତା ପ୍ରଭୁ ଶିବ ହେ ତ୍ରିଲୋଚନ,

କରୋନା ଭୂତାଣୁ କୀଟ    ଜନତାଙ୍କୁ ଛଟପଟ

    କରି ନେଉଅଛି ଏବେ ଜନ-ଜୀବନ ।

        କରୁଅଛି ମୁଁ ନିବେଦନ,

    ଏ ସୁନ୍ଦର ଧରାଧାମ ରଖ ଶୋଭନ !!

ହେ ପ୍ରଭୁ ଡମ୍ବରୁଧର     କିବା ତବ ଅଗୋଚର

    ସାରା ବିଶ୍ବ ଥରହର କରୋନା କୋପ,

ମନେଅଛି ତ ଈଶ୍ୱର     କରିଥିଲ ପାନ କ୍ଷୀର

    ତବ ପଥର ମୂର୍ତ୍ତିର ନୁହେଁ ଯେ' ଗଳ୍ପ ।

        ଲେଖନୀରେ କରୁଛି ଜପ,

    ଧରା ସୁଶୋଭନେ କର ବିଷ ବିଲୋପ !!

ଆହେ ପ୍ରଭୁ ଆଶୁତୋଷ    କୁହ କିମ୍ପା ଅସନ୍ତୋଷ

     ଜର୍ଜରିତ ଏ ମଣିଷ ପାଏ କଷଣ,

ବାର ମାସେ ତେର ଯାତ   ପ୍ରତି ସୋମବାରେ ଭକ୍ତ

    ପୂଜା-ଅର୍ଘ୍ୟେ ସମର୍ପିତ କରେ ଜଣାଣ !

        ଦେଖ ଏବେ କରୋନା ବିଷ,

     ବିନା ଦୃଶ୍ୟେ ଭକତଙ୍କୁ କରେ ବିନାଶ !!   

ହେ ପ୍ରଭୁ ଶିବ-ଶଙ୍କର    ଅତି ମହିଁମା ତୋହର

     ବରଦାନ'ର ଈଶ୍ୱର ସର୍ବ-ବିଦିତ,

ତୁମେ ପ୍ରଭୁ ସର୍ବେଶ୍ଵର    ସର୍ବାଗ୍ରେ କରୁଣା-କର

    ତେବେ ତ ପ୍ରାର୍ଥନା ମୋର ମୁଁ ଅନୁଗତ ।

        କରୋନା ଭୂତାଣୁ ଉତ୍ପାତ,

   ସେ' ଉତ୍ପାତ ଧ୍ଵଂସେ ହେଉ ଧରା ଶୋଭିତ !!