ହାଲୋ

ସପନ ଟେ ଏଇମିତି

ଗୋଲାପର କଂଟାରେ ଆଘାତ

ହାତରୁ ଟପଟପ ଝରୁଥିବା

ରକ୍ତ ବୁନ୍ଦା କୁ ଚୁମି ପକେଇବାର

ସପନ ଟେ ଏଇମିତି

ଚହଲା ପୋଖରୀ ପାଣିର ଭଉଁରି ଟେ ପରି

ପ୍ରିୟାର ଅତି ସମ୍ବେଦନଶୀଳ ନାଭୀ ଟି ...ଆଃ

ତା'ପରେ

ଟଣା କଜଳ ଲଗା

ଆଖି ଦୁଇଟିର ସମ୍ମୋହନ ରେ

ସବୁ ଯେମିତି ଷ୍ଟିଲ (ସ୍ଥିର )

ଆଉରି ବି

ଚୁମୁଥିବା ପ୍ରିୟା ଓଠକୁ ହାଲକା ଦାବରେ

ନିଜ ରକ୍ତ କୁ ନିଜେ ଚୁଚୁମିବାରେ

ସପନ ଟେ ଏଇମିତି

କେରାଏ ଲାଜୁଆ ହସ

ଲାଖି ରହିଥିବ ତା' ଓଠ ଫାଙ୍କରେ

ଯେମିତି ସେଇ ହସ ଟିକକ

କେବଳ ଆଉ କେବଳ ମୋ'ରି ପାଇଁ ହେଇଥିବ

ସପନ ଟେ ଏଇମିତି

ପାଖରେ ବସି ମୁଣ୍ଡ ସାଉଁଳୁଥିବ

ଆଉ ଗୁଣୁଗୁଣାଉଥିବ ରାଗିଣୀଟେ ପରି

ମୋ କାନ ପାଖରେ

ଆଉ ମୁଁ ଶୋଇ ପଡୁଥିବି ଛାଇ ନିଦରେ

ସପନ ଟେ ଏଇମିତି

ଦୁଆର ବନ୍ଧରେ

କଣେଇ ଚାହିଁଥିବ ରାସ୍ତା କୁ

ସମସ୍ତଙ୍କ ଅଲକ୍ଷ୍ୟରେ

ମୋ ରାସ୍ତା ପାରିକୁ ଅପେକ୍ଷି

ସପନ ଟେ ଏଇମିତି

ଲ୍ୟାଣ୍ଡ ଫୋନ ଟିକୁ ଅନାଉଥିବ ବାରମ୍ବାର

ରିଂ ଟିଏ ହୁଏତ ଆସିବ

ଆଉ ଦୌଡିଯାଇ ଉଠେଇ

କହିବ ଅତି ଆବେଗରେ ...ହାଲୋ ...

ଜୁମର