ଗୁଣ୍ଡୁଚି

କୋମଳ ସୁନ୍ଦର 

ସମ୍ଭ୍ରାନ୍ତ ସରଳ

ମନଗ୍ରାହୀ ଭଙ୍ଗୀ ତାର

ସଭିଙ୍କୁ କରେ ଆକର୍ଷଣ ।

ନିରୀହ ନିର୍ଭୀକ 

କ୍ଷୁଦ୍ର ଓ ସମର୍ଥ 

ନିଜପରେ ଅସୀମ ବିଶ୍ବାସ 

ଉଲ୍ଲସିତ କରେ ପରିବେଶ ।

ସମ୍ବେଦନର ଦର୍ପଣ ଅଦ୍ଭୁତ 

ନିଜ ହୁଏ ଚେହେରା ଅନ୍ଯର

ଆତ୍ମସନ୍ତୋଷ ମିଳେ ଅପାର

ସର୍ମପିତ ସେବା ଓ ନିଷ୍ଠାର।

ସାହାଯ୍ୟରେ ନାହିଁ ବଡସାନ

ହୁଅନ୍ତୁ ବା ମହାମହିମ ରାମ

ସାମାନ୍ଯ ନୁହଁଇ ସହଯୋଗ 

ବାଲି ବାନ୍ଧେ ସେତୁ ସଂପର୍କର । 

ଭାବକୁ ବୁଝନ୍ତି ଭଗବାନ

କାମକୁ ମିଳଇ ସମ୍ମାନ 

କୋମଳ ତନୁରେ ଲେଖା 

ଆଶୀର୍ବାଦର ତିନି ଗାର।

ଗୁଣ୍ଡୁଚି ତୁମକୁ ନମସ୍କାର 

ମିଳୁ ଭାଗ୍ଯ ପରଜନ୍ମର

ପ୍ରଭୁଙ୍କୁ କରିବି ଅନୁରୋଧ 

ହେବାକୁ ତୁମର ଅବତାର ।