ଗୁଡ୍ ମର୍ଣ୍ଣିଂ

ଉଠି ପଡ

ଉଠିପଡି ସେସବୁ ସାରି

ଦେଖିନିଅ ହ୍ବାଟ୍ସ୍ ଆପ ମେସେନ୍ଜର

ଆଉ ପଢି ଉତ୍ତର ଦେଇଦିଅ ସଅଳ

ଲେଖି ପକାଅ ସକାଳ ଖରା ଟାଣ ହେଲାଣି

କାଗଜଟିଏ ଟାଣି ଆଣ ସେଇଠୁ ଡାଏରୀ ନ ଖୋଜି

ହଁ ଡ୍ରଇଁ ଖାତାରୁ ନହେଲେ

ଆଡ ପେପର ପଛ ପଟେ ଗାରେଇ ଦିଅ

ଖବର କାଗଜ ଫାଙ୍କା ରେ ବି ଲେଖୁନ

ଲେଖ ଯୋଉଠି ଲେଖୁଛ ଶୀଘ୍ର ଲେଖ

ଲେଖା କବିତା ସବୁ ଉତୁରି ଆସିଲାଣି

ବଡି ଭୋରରୁ ଫେସ ବୁକ ରେ

ହଁ ଚା' ଟିକେ ପିଇନିଅ

କ'ଣ ଲେଖିବ ତା'ବି କହିବି

ଲେଖୁନ କଣ୍ଡୁରୀ ଭଣ୍ଡାରୀ କଥା

ତା' ଛୋଟ ଛୋଟ ବେଢଂଗ ପିଲାଙ୍କ କଥା

ବାଇଆ ତନ୍ତି କେମିତି କାଲି ରାତି ଅଧରେ

ଶୋଧୁଥିଲା ଭାରିଯାକୁ ..ଲେଖ

ଧନୀ ସାହୁ ପୁଅଟା ଘରକୁ ଫେରିନି କାଲି ଠୁ

ଲେଖୁନ କୋଉଠି ପାଉଡର ଟାଣି ...

ପଧାନ ପୁଅଟା ଟୋକି ନେଇ ଛୁ

ହଁ ଲେଖ କେମିତି କ'ଣ

ବାଗେଇକି ଲେଖିଦିଅ

ବେହେରା ସାହି ଗଣ୍ଡଗୋଳ ..

ହଁ ଲେଖିଦିଅ ହସ୍ପିଟାଲ ପର୍ଯ୍ୟନ୍ତ

ବ୍ରାହ୍ମଣ ପୁଅ ମାଙ୍କଡ ...ହଁ ଲେଖ

ହଁ ସେ ପାଗିଳିଟିର ଫି ସନ

ଭୁଗୋଳ ବଦଳିବା କଥା ଲେଖୁନ

ଫେରି ବାଲା କଥା...ହଁ ଲେଖ

କାଲିର ସପନ କଥା ...ଜମାରୁ ଲେଖନି

ସେ ବିଗିଡିଯିବେ ଯେ

ଘରେ ତୁଚ୍ଛାଟାରେ

ଅଶାନ୍ତି କାନି ପାରି ବସିବ

ଯା'ହଉ ଲେଖ ..

ବସନ୍ତ ବର୍ଷା ଶୀତ ..ନା ଥାଉ ପରେ

ଡେରି ହେଲାଣି ...ଲେଖି ପକାଅ

ଆଉ ଶୀଘ୍ର ପୋଷ୍ଟ କରିଦିଅ ଏଫ ବି ରେ

ଆମେ ଅପେକ୍ଷା କରିଛୁ ଯେ ...

ଜୁମର