Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Dharitri Das

Others

4.0  

Dharitri Das

Others

ଗୋମାତା

ଗୋମାତା

1 min
14



ଗୋମାତା ପୂଜିବା

    ଗୋସେବା କରିବା

       ଆମରି ଧରମ।

ସେବାରେ ତାହାର

    ନିଜକୁ ଅର୍ପିଣ

       କରିବା କରମ।।

ମାଆ ପରି ସିଏ

    ପାଳଇ ଆମକୁ

       ଦେଇଣ ଗୋରସ।

ତା କ୍ଷୀର ପାନରେ

    ବୃଦ୍ଧାରୁ ବାଳକ

        ପାଆନ୍ତି ସନ୍ତୋଷ।।

ତା କ୍ଷୀରେ ପନିର

    ଛେନା ଦହି ଘୃତ

       ତିଆରି କରିଣ।

ଜୀବିକା ପାଳନ

    କରନ୍ତି ଗୋପାଳେ

        ହରଷ ହୋଇଣ।।

ମଳ ମୂତ୍ର ତାର

    କରଇ ଉର୍ବର

       ବିଲ ବାଡ଼ି କ୍ଷେତ।

ଖତ ସାର ରୂପେ

    ଚାଷୀ ପୁଅ ତାକୁ

       କରଇ ସଞ୍ଚିତ।।

କରନ୍ତି ପବିତ୍ର

   ପକାଇ ଦ୍ୱାରରେ

      ଗୋବର ପାଣିକୁ।

ଜାଳେଣି କରନ୍ତି

    ଘରଣୀ ଆମର

       ଶୁଖା ଗୋବରକୁ।।

ରୁମ ଗୋଟିଏକୁ

    ଦେବତା ଗୋଟିଏ

        ମାନନ୍ତି ସଭିଏଁ।

ପ୍ରକୃତିର କୋଳେ

     ଅଟଇ ଜୀବନ୍ତ 

        ଦେଵତାଟି ସିଏ।।


   



Rate this content
Log in