ଗଜ ଲକ୍ଷ୍ମୀ

ସାଗରଦୁଲଣୀ,ବିଷ୍ଣୁ ପାଟରାଣୀ

ମହାଲକ୍ଷ୍ମୀ କମଳୀନୀ

ଆସୁଛଲୋ ମାଆ ଐରାବତ ଚଢି

ଧନ୍ୟ ମୋ ମରତ ଭୂମି ||

ଗଜେ ଆସି ଗଜଲକ୍ଷ୍ମୀ ବୋଲାଇବ

ବସୁଧା ଉଠିବ ହସି

ପୂଜାର୍ଚ୍ଚନା ହେବ ମେଦୀନୀ କମ୍ପିବ

ଆଶିଷ ଦେବ ବରଷି ||

ଧନସଂପଦ,ସୁଖସମୃଦ୍ଧି,ପ୍ରେମ

ପ୍ରତୀକ ପଦ୍ମସୁନ୍ଦରୀ

ସୌଭାଗ୍ୟ,ସୁଖ୍ୟାତି,ଐଶ୍ବର୍ଯ୍ୟ ଦାୟୀନୀ

ପଦ୍ମଜା, ସିନ୍ଧୁକୁମାରୀ ||

ଚତୁର୍ଭୁଜା ମାତା ଉଲ୍ଲୁକବାହିନୀ

ବିଷ୍ଣୁପ୍ରିୟା,ନାରାୟଣୀ

ଧର୍ମ,କାମ,ଅର୍ଥ,ମୋକ୍ଷ ନିବାରଣେ

ଅବତାର ବିଘ୍ନସେନୀ ||

ଭାରତ ବରଷ ବଡ ପୂଣ୍ୟ ଭୂମି

ଦେବାଦେବୀ ଆଗମନ

ଆର୍ଯ୍ୟବର୍ତ୍ତେ ସର୍ବ ଶକ୍ତି ଆବିର୍ଭାବ

ପବିତ୍ର ପୟଃ ପବନ ||

ମରତ ଭିତରେ ମୋ ଉତ୍କଳ ଭୂମି

ଅଟେ ସବୁଠୁ ନିଆରା

ପିତ୍ରାଳୟ ତୀରେ ଜଗନ୍ନାଥଧାମେ

ତୁମ ଅବସ୍ଥାନ ପରା ||

କଳିଙ୍ଗ ଭିତରେ ମୋର ଢେଙ୍କାନାଳ

ଅଟେ ବଡ ଭାଗ୍ୟଶାଳୀ

ଗଜଲକ୍ଷ୍ମୀ ପୂଜା ପ୍ରସିଦ୍ଧି ଲଭିଛି

ଆଶିଷ ପଡଇ ଝରି ||

ହସି ଉଠୁଛି ମୋ ଢେଙ୍କାନାଳ ରାଜ୍ୟ

ରଙ୍ଗବେରଙ୍ଗ ଆଲୋକେ

ତୋରଣ,ମେଢ,ମଣ୍ଡପ ସାଜ୍ଜସଜା

ଝଲସି ଉଠୁଛି କେତେ ||

କଲେଜରୋଡ ଠାରୁ କୋରିହାଁଛକ

ସାଜ୍ଜସଜ୍ଜେ ଭରିଅଛି

ମୀନା ବଜାର ,ପଲ୍ଲୀଶ୍ରୀ ମେଳା ଭିଡେ

ମୋ ମା' ମାଟି ହସୁଛି ||

ମେଲୋଡି,ସିନେମା,ନାଚ ଓ ଅପେରା

ପସରା ମେଲାଇ ଅଛି

ଯାହାର ଯା' ରୁଚି ଦେଖିବ ସେ ଆସି

ବଧା ବିଘ୍ନ ନାହିଁ କିଛି ||

ବନ୍ଧୁ ମାନଙ୍କୁ ସାଦର ନିମନ୍ତ୍ରଣ

ଆସିବେ ନିଶ୍ଚୟ ଥରେ

ପଦ୍ମପ୍ରିୟା,ପଦ୍ମହସ୍ତା,ପଦ୍ମମୂଖୀ

ଦେଖିବେ ସ୍ବନୟନରେ ||

ସୁଶ୍ରୀ ସାହୁ

ଶିଲଂଗ

ମେଘାଳୟ