ଗାଦି

ରାଜନୀତି ବଡ ଧନ୍ଦା ସଙ୍ଗାତଲୋ

ରାଜନୀତି ବଡ଼ ଧନ୍ଦା

ଯିଏ ବୁଝିଛି ଚନ୍ଦା ହୋଇଛିଲୋ

ନବୁଝିବା ଲୋକ ଚନ୍ଦା ଲାଗେ ଅଡୁଆ ଧନ୍ଦା ll

କେତେ ସ୍ଲୋଗାନ ଦିଅନ୍ତିଲୋ ଏଠି

ଗାଦି ପାଇବା ପାଇଁ

ଗାଦି ମିଳିଲେ ଭୂଲି ଯାଆନ୍ତି ଲୋ

କିଏ ବାପା ମା ଭାଇ ll

ନିତିନିତି ଏଠି ହଣାକଟା ହୁଏ

ଖେଳ ଚାଲେ ପଇସାର

କିଏ ଜିତେ କିଏ ହାରେ ପୁଣି ଏଠି

ବନ୍ଧା ଭାଗ୍ୟ ହାତର ll

ମୁଁ କାର ଶବ୍ଦରେ କମ୍ପାତି ଲୋ ଏଠି

ଭୋଅଟ ପାଇବା ପାଇଁ

ଭୋଅଟ ମିଳିଲେ ଚୁପ ହୋଇଯାନ୍ତି

ରାଜଗାଦିକୁ ପାଇ ll

ଗାଦିନିଶାଟି ଯେ ବଡ ମାରାତ୍ମକ

ଭରିଦିଏ ଅହଂ ଭାବ

ବୁଝି ପାରନ୍ତିନି ମାୟାଧର ମାୟା

ବଦଳି ଯାଏ ସ୍ଵଭାଵ ll

ସୁକାନ୍ତି ହୋତା

ତାଳଚେର

7008819476