☕️ ଏକ କଫ କଫି ☕️
☕️ ଏକ କଫ କଫି ☕️
1 min
244
ଆନନ୍ଦରେ ଭାସେ ମୋ କଳା ମୁଖଟି
ତୋ ହାତର କଫି ପିଇଲେ
ସ୍ୱର୍ଗ ସୁଖ ମୋତେ ମିଳୁଛି ସାଥିରେ
ଖୁସି ତ ନ ସରେ କହିଲେ |
ସଦା ଭାଙ୍ଗିଦେଉ ନିଦକୁ ମୋହର
ଏକ କପ୍ କଫି ଆଣି
ନିଦ ଭାଙ୍ଗିଯାଏ ତୋ କଫି ବାସରେ
ଏଭଳି କରୁ ତୁ ଜାଣି |
ପ୍ରତ୍ୟୁଷରେ ଉଠି ତୋ ମୁଖ ଦେଖିଲେ
ଦିନସାରା ହୁଏ ଶୁଭ
ତୋ ଦ୍ୱାରା ଗଢ଼ିତ କଫିକୁ ପିଇଲେ
ଆଉ କିଆଁ କ୍ଷୁଧା ହେବ?
କରିଥିଲି କେବେ ମନ୍ତ୍ର ଜପ ତପ
ପାଇବାକୁ ତୋତେ ପ୍ରିୟା
କିଭଳି ପାଇଲି ତୋତେ ଆଜି ମୁହିଁ
ଭାବିଲେ ଲାଗୁଛି ମାୟା |
ରଖିଦେବି ସଦା ତୋତେ ମୋ ପାଶରେ
ତୋ ମୁଖ ସଦା ମୁଁ ଦେଖିବି
ତୋ ଚନ୍ଦ୍ର ବଦନ ଦେଖି ଦେଖି ପୁଣି
ତୋ ହାତର କଫି ପିଇବି ||