ଏଇତ ଜୀବନ ୦୧
ଏଇତ ଜୀବନ ୦୧
1 min
184
କେବେକେବେ ବଡ଼ବଡ଼ ଖୁସିକୁ
ଜାବୁଡି ଧରିବାରେ ଖୁବ କଷ୍ଟ ହୁଏ ବୋଲି
ଛୋଟ ଛୋଟ ଖୁସିକୁ ନିଜର କରି ବସେ !
ବୋଧହୁଏ ସେଥିପାଇଁ
ଛୋଟିଆ ଖୁସି ବି ଭରିଦେଇଯାଏ
ଅମାପ ଦୁଃଖ, ବିବ୍ରତା
କେବେ ଆଞ୍ଜୁଳାଏ ଅଶ୍ରୁ ନୟନେ !
ପାଇବାର ଯୋଉ ଗୋଟେ ଇଚ୍ଛା
ମରିଯାଏ ବାସ୍ତବରେ
ବହୁବାର ଯେବେ ହରେଇବାର
ପୁନରାବୃତ୍ତି ହୁଏ !
ସହିଯିବାକୁ ହୁଏ
କେହି କହିବା ଆଗରୁ
ଲୁଚେଇ ଦେବାକୁ ହୁଏ
କେହି ଦେଖିବା ଆଗରୁ
ବାସ୍ ଏଇତ ଜୀବନ
ଲୁଚାଛପାରେ ବିତୁଛି ଯାହା !!