ଏଇ ଶରତରେ
ଏଇ ଶରତରେ
1 min
7.0K
ଶ୍ୟାମଳ-ସୁଷମା-ଆଶିନ୍ଵେ
ପ୍ରକୃତି ହେ ତୁମେ ମନେପଡ଼
ଅନୁର୍ବର ସମୟ ଖଣ୍ଡରେ
ଭାଙ୍ଗିଦେଇ ଦୁଃଖ, ଝଞ୍ଜା,ଝଡ଼ ।।
ସୁରମ୍ୟ -ଶରତ-ଜ୍ୟୋତ୍ସ୍ନାରେ
ବୈରତା ଓ ଘୃଣାକୁ ଆଡେଇ
ଭିଜିବାକୁ ଭାରି ଇଚ୍ଛା ହୁଏ
ସ୍ଵକୀୟ ଅସ୍ତିତ୍ଵ ହଜେଇ ।।
ଚିତ୍ରରେଖା ନଦୀ ପଠା ଧାରେ
କାଶତଣ୍ଡି ଫୁଲର ସମ୍ଭାରେ
ଧରଣୀର ଅପୂର୍ବ ଲାବଣ୍ୟେ
ପ୍ରକୃତିର ଶୋଭା ମନ ହରେ ।।
ଶାରଦୀୟ -ଋତୁ -ପାର୍ବଣରେ
ଦଶଭୁଜା ହେବେ ଆଗମନ
ଅଜ୍ଞାନତା ତମସା ବିନାଶି
ପରଶିବେ ପୀୟୁଷ-ପ୍ରଜ୍ଞାନ ।।
ହେ ଅମ୍ବିକେ-ଦୁର୍ଗତିନାଶିନୀ
ତୁମେ ଗୋ କୃପାଣପାଣିନୀ
ସର୍ବେ ଆମ୍ଭେ କରୁଛୁ ଆହ୍ୱାନ
ବିନାଶ ଦୁଷ୍ଟ ଓ ଦୁର୍ଜନ ।।