ଦୂରଭାଷ
ଦୂରଭାଷ
କୁଆଡେ ଗଲା ସେ ଦିନ
ଚିଠିପତ୍ରରେ ହେଉଥିଲା
ଭାବର ଆଦାନ ପ୍ରଦାନ !
ସେ କାଳର ଅପେକ୍ଷା ଉନ୍ମାଦନା
ସୁଦୂରେ ଥିବା ପ୍ରିୟଜନଙ୍କ
ଭଲମନ୍ଦର ସଂକ୍ଷିପ୍ତ ସୂଚନା !
କେଡେ ସରାଗରେ ହେଉଥିଲା
ପଢ଼ୁଥିବା ଲୋକର ଆଦର
ଜାଣିଥିଲା ବୋଲି ପାଠ ଦିଅକ୍ଷର !
ବିଜ୍ଞାନର ବିସ୍ମୟ ତାର ଚମତ୍କାର
ସମ୍ଭିଙ୍କୁ ସଙ୍ଗେ ସଙ୍ଗେ ଯୋଡିଲା
ଡାକ ନୁହେଁ ଏକ ତାର !
ହେଲୋ ଅଭିବାଦନରୁ ହେଲା ପ୍ରାରମ୍ଭ
ହଜିଗଲା ପୂଜାସ୍ପଦ ପ୍ରଣମ୍ୟ
ଲୁଚିଗଲା ପ୍ରେମିକାର ପ୍ରେମପ୍ରତୀକ !
ଯୁଗ ବଦଳିଲା ବଦଳିଲା ପଦ୍ଧତି
ତାହାକୁ ନେଇ କିଏ ଜିତେ
ପୁଣି ହୁଏ କାହାର ଅଧୋଗତି !
ତଥାପି ଯାନ୍ତ୍ରିକ ଦୁନିଆଁ ଯନ୍ତ୍ର ମଣିଷ
ନାହିଁ କାହା ପାଖେ ସମୟ
ଦେବାକୁ ଲମ୍ବା ଲମ୍ବା ସନ୍ଦେଶ !
ତେଣୁ ହୁଏତ ଜନାଦୃତ ଏପରି ଦୂରଭାଷ
ତଥାପି ମନେ ପଡିବ ଆମର
ସେଇ ଅତି ପ୍ରିୟ ଫର୍ଦଫର୍ଦ ବିଶେଷ !