ଦୁହିତା

ଦୁଇଟି କୂଳର ହିତ ସାଧନରେ 

   ଅବଦାନ ଯାର ଅଛି 

ସର୍ବ ଗୁଣବତ୍ତା ଅଟେ ସେ ସଂସାରେ

   ବିଧାତା ଗଢିଛି ବାଛି ....

ବାପଘରେ ଢାଳେ ସେନେହର ବାରି

   ଶାଶୁଘରେ ସମର୍ପଣ  

 ପର ଆପଣାର ଦେଖେ ନାହିଁ କେବେ 

  ସଦା ଉତ୍ସର୍ଗିତ ପ୍ରାଣ .....

 

ଏ କୁଳର ଝିଅ ସେ କୁଳର ବୋହୂ

  ଦୁହିତା ଅଟେ ତା ନାମ

ଦୁଇ କୁଳର ସେ ହିତ କରିବାକୁ

  ସଂସାରେ ତାହାରି ଜନ୍ମ.....

ବାପ ଘରେ ବଢେ ଗେଲବସରରେ

  ଶାଶୁଘରେ କରେ କର୍ମ 

ଦୁଃଖ-ସୁଖ ଭାର ମଥା ପରେ ଥୋଇ 

  ବାଣ୍ଟି ଚାଲେ ସ୍ନେହ ପ୍ରେମ.....

ଏ କୁଳେ ଢାଳଇ ଭଗ୍ନୀର ମମତା 

  ସେ କୁଳେ ନିଗାଡ଼େ କ୍ଷୀର

 ଏ କୁଳ ଚରିତ୍ର ଅଲିଅଳି ଜେମା 

   ସେଇଠି କୁଳବଧୂର.....

ବିଧାତା ନିହିଛି ଅପୂର୍ବ ଗଢଣ

  ହୃଦେରେ ସହନ ଶକ୍ତି 

ଦୁଇ କୁଳ ପାଇଁ ହିତ ସାଧନରେ 

   ସଦା ତାର ଭକ୍ତି ମତି....