ଦଣ୍ଡକାଳୀ ଯାତ୍ରା

ପ୍ରାଚୀନ ସଂସ୍କୃତି ଯାତ୍ରା ନୃତ୍ୟ ରୀତି

   ବିଶ୍ୱାସ ଧର୍ମୀୟ ଭାବ 

ଆମ ପରମ୍ପରା  ଆଦର୍ଶରେ ଭରା

    ସାମାଜିକ ସଦଭାବ ll

ଦକ୍ଷ ପ୍ରଜାପତି ପତ୍ନୀଯେ ପ୍ରସୂତି

   ଅଭିଶାପେ ଶିବ ଦଣ୍ଡ

ଦଣ୍ଡ ଲିଙ୍ଗ ରୂପ ଶିବଙ୍କ ସ୍ୱରୂପ

    ପୂଜେ ଭକ୍ତ ନୃତ୍ୟେ ଦଣ୍ଡ ll

ଇନ୍ଦ୍ର ବୃହସ୍ପତି  କୁବେର ପୁତ୍ରାଦି

     ପରିହାସ ଋଷିବରେ 

ଅଷ୍ଟବକ୍ର ଋଷି  ଅଭିଶାପେ ଶାସ୍ତି

      ଚଢେଇଆ ଶବରରେ ll

ଗରୁଡ଼ ଆଦେଶ  ଅଷ୍ଟବକ୍ର ଋଷି ଶେଷ 

      ତେର ଚଢେଇଆ ମୃତ

ଶବରଙ୍କ ପତ୍ନୀ  ଆକୁଳେ ପୂଜନ୍ତି

      କାଳୀ ମାତା ପ୍ରସନ୍ନିତ ll

କାଳୀଙ୍କ ଆଶିଷ  ପତ୍ନୀଙ୍କ ବିଶ୍ୱାସ

     ତେର ଶବର ଜୀବିତ

ପର୍ବ ତେର ଦିନ  ନୃତ୍ୟ କାଳୀ ଦଣ୍ଡ

      ପୂଜା ଯଜ୍ଞ କାଳୀ ବ୍ରତ ll

ଧୂଳି ପାଣି ଦଣ୍ଡ  ଅଗ୍ନି ରାତ୍ର ଦଣ୍ଡ

    ସଂକଳ୍ପ ଶୁଦ୍ଧତା ମନ

ପଣା ସଂକ୍ରାନ୍ତିରେ ସଂକଳ୍ପ ଶେଷରେ

     ଦଣ୍ଡ ନୃତ୍ୟ ଉଜ୍ଜାପନ ll

କାଳୀ କପାଳିନୀ ଖର୍ପର ଧାରିଣୀ

      ମହିଷାସୁର ମର୍ଦିନୀ

ପ୍ରାର୍ଥନା ଆମ୍ଭର  ଦୁଷ୍ଟ ନାଶ କର

     ସୁଖ ଶାନ୍ତି ପ୍ରଦାୟନୀ ll