ଧେତ୍ କବିତା

ଧେତ୍ କବିତା

ଧେତ୍ କବିତା , ତୁ ଭାରି ଚଗଲି

ଏବେ ଆସିଲୁ , ପୁଣି ଗଲୁ ଚାଲି

ଇଚ୍ଛା ହୁଏ ତତେ , ବହେ ଦେବି ଗାଳି

ଧେତ୍ କବିତା , ତୁ ଭାରି ଚଗଲି ବୋଲି ।

ସାୱାର ତଳେ ଛିଡା ହୋଇ ବର୍ଷାର ଭ୍ରମକୁ ଦେଖିଲା ବେଳେ

କେତେ ରଙ୍ଗ ରଙ୍ଗର ଧାଡି ଆସୁଥିଲା ମାଡି ଖେଳି

ଭାବି ଥିଲି କାଗଜରେ ଦେବି ବୋଳି,ସବୁ ଗଲି ଭୁଲି

ଧେତ୍ କବିତା , ତୁ ଚଗଲି ବୋଲି ।

କବି ହେବାକୁ ଇଚ୍ଛା ମୋର ନାଇଁ ବୋଲି

ମୋ ସାଥେ ଖେଳୁଛୁ ଲୁଚକାଳି

ଯା - ଯା ଆଜି ନୁହଁ ଲେଖିବି କାଲି

ଧେତ୍ କବିତା , ତୁ ଚଗଲି ବୋଲି ।

ଆଜି ଯା ଆଉ କାହା କଲମରେ ଯିବୁ ଗଳି

ତୁ ତ ମୋ ପ୍ରେୟସୀ ଲାଜକୁଳୀ

ପୁଣି ଫେରିଲେ ନେବି ତତେ ତୋଳି

ଧେତ୍ କବିତା , ତୁ ଚଗଲି ବୋଲି ।।।

ରାଜେନ୍ଦ୍ର ଗିରି

ଭୋଗରାଇ , ବାଲେଶ୍ୱର

ଶିକ୍ଷକ ଶିକ୍ଷା ମହାବିଦ୍ୟାଳୟ, ବାଲେଶ୍ୱର

ଦୂରଭାଷ-୭୮୭୩୫୭୦୯୩୮